Emin Maniyev

Source: Facebook

Caption: Emin Maniyev

Həbsdə olan AXCP üzvü: Gördüm, biri əli ilə məni göstərir

Article was updated on :  8 November 2019

Emin Maniyevin şikayəti təmin olunmayıb

Noyabrın 8-də Bakı Apelyasiya Məhkəməsində AXCP Gənclər Komitəsinin üzvü, "Azadlıq" qəzetinin əməkdaşı Emin Maniyevin şikayətinə baxılıb. O, oktyabrın 29-da elə həmin məhkəmənin qarşısında həbs olunmuşdu.

Hakim Elmar Rəhimovun sədrliyilə keçirilən məhkəmə iclasında E.Maniyevin vəkili Zibeydə Sadıqova bildirib ki, müvəkkili saxlandığı gün reportaj hazırlamaq üçün Bakı Apelyasiya Məhkəməsinə gəlmişdi. O, məhkəmənin binasından çıxan kimi saxlanılıb. Vəkil bu hadisənin şahidi olmuş və onu lentə almış Zəfər Əhmədli, Təzəxan Mirələmli və başqalarının məhkəmədə dindirilməsi barədə vəsatət qaldırıb. Həmçinin videogörüntülərə məhkəmədə baxılmasını istəyib: "Bundan sonra məhkəmə obyektiv nəticəyə gələ bilər ki, Emin Maniyevin məhkəmənin qarşısında söyüş söyməsi, polislərin tələbinə tabe olmaması barədə inzibati xəta protokolunda və birinci instansiya məhkəməsinin qərarında yazılanlar doğrudur, yoxsa yox".

Vəkil əlavə edib ki, müvəkkili özünü təqsirli bilmədiyi halda, məhkəmə qərarında onun özünü təqsirli bilməsi yazılıb: "Biz bununla əlaqədar birinci instansiya məhkəməsindəki protokolda olan yanlışlıqlar haqda da qeydlərimizi vermişik".

E.Maniyev də özünü söyüş söyməsi və polisə müqavimət göstərməsi barədə yazılanların yalan olduğunu söyləyib. Bildirib ki, həbsi əvvəldən planlaşdırılmışdı. Hətta mülki geyimli polislərin bir-birinə uzaqdan onu göstərdiyini də görüb: "Hiss eləmişdim ki, məni izləyirlər. Gördüm ki, biri əli ilə məni göstərir".

Hakim apelyasiya şikayətini təmin etməyib. E.Maniyevin İnzibati Xətalar Məcəlləsinin 510 (xırda xuliqanlıq) və 535-ci (polisin qanuni tələbinə tabe olmama) maddələrilə 30 sutkalıq həbsi barədə Yasamal Rayon Məhkəməsinin qərarı qüvvədə qalıb.

İnzibati həbslərdən şikayət vermək üçün ölkə daxilində sonuncu instansiya apelyasiya məhkəməsidir. Ona görə də E.Maniyev həbsilə bağlı bu qərardan Avropa Məhkəməsinə şikayət göndərəcək

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Article was updated on :  8 November 2019
Featured in:  
Shortlink:   http://mtv.re/hg13io

Most Viewed