“3 nəfər təhlükəsiz əraziyə təxliyə olunub”
Bakının Nərimanov rayonunda yerləşən onaltımərtəbəli yaşayış binasında yanğın olduğu bildirilir.
Fövqəladə Hallar Nazirliyinin (FHN) yaydığı məlumata əsasən, yanğın yanğından mühafizə bölmələri tərəfindən söndürülüb.
Azərbaycan Respublikası Fövqəladə Hallar Nazirliyinin rəsmi internet informasiya portalı (fhn.gov.az)
Nazirliyin məlumatında qeyd olunur ki, yanğınsöndürmə işlərinə cəlb olunan yanğından mühafizə bölmələri yaşayış binasının həyətinə girişdə və həyətində vətəndaşlar tərəfindən avtomobillərin nizamsız park edilməsi səbəbindən çətinliklə üzləşiblər.
Yanğın nəticəsində binanın şaxtasından (1-ci mərtəbədən 16-cı mərtəbəyə kimi) keçən elektrik kabelinin izolyasiyaedici üzlüyü yanıb.
Mənzillər yanğından mühafizə olunub.
Yanğın zamanı FHN-nin Xüsusi Riskli Xilasetmə Xidmətinin xilasediciləri tərəfindən tüstülənmiş mənzillərdən 3 nəfər təhlükəsiz əraziyə təxliyə olunub.
