Paşinyan

Source: Reuters

Caption: Paşinyan

Ermənistan tərəf 1009 hərbçisini itirdiyini deyir

“Azərbaycanın hərbi qazancı diplomatik həll yolunu çətinləşdirə bilər”

İki uğursuz Rusiya dəstəkli humanitar atəşkəsdən sonra Azərbaycan və Ermənistan Xarici işlər nazirləri bu həftəsonu Vaşinqtonda görüşüb növbəti atəşkəsə razılıq versələr də, tərəflər arasında döyüşlər səngimək bilmir.

Ermənistan dünən gecə Dağlıq Qarabağla İran sərhədi arasındakı strateji şəhər Qubadlıdan geri çəkildiyini etiraf edib.

Ermənistan Müdafiə Nazirliyinin rəsmisi Artsrun Hovannisyan bazar ertəsi günü keçirdiyi mətbuat konfransında etnik erməni qüvvələrinin “lazımsız itkilərin qarşısını almaq üçün” Dağlıq Qarabağın cənubundakı Qubadlıdan çıxdığını təsdiqləyib.

“Reuters” xəbər verir ki, bu, ABŞ-ın vasitəçiliyi ilə yeni atəşkəsin bir ay davam edən döyüşlərə son qoymadığını və Azərbaycanın bölgədə açıq hərbi üstünlük əldə etdiyini göstərir.

Azərbaycan Cəbrayıl, Füzuli, Zəngilan, Qubadlı, Hadrut və Madagiz (Suqovuşan-yeni adı) kimi Qarabağ ətrafındakı şəhərlərin azad edildiyini bəyan edib.

“Azərbaycanın hərbi qazancı diplomatik həll yolunu çətinləşdirə bilər”,- agentlik bildirib.

Azərbaycan etnik ermənilərin Qarabağ üzərində nəzarəti əlində saxlaması təklifini rədd edir və ərazi bütövlüyünü təmin edəcəyini qeyd edir. Ermənistan isə Qarabağın əhalisi üçün tarixi vətən olduğunu bildirir və bu səbəbdən ərazidən geri çəkilməyəcəyini deyir.

Dağlıq-Qarabağ beynəxalq hüquqa görə Azərbaycanın tərkibində olmasına baxmayaraq, 1990-cı ilin əvvəllərində başlamış müharibədən sonra Ermənistan silahlı qüvvələrinin nəzarətinə keçib.

Hər iki tərəf atəşkəs razılaşmasına baxmayaraq çərşənbə axşamı səhər saatlarında cəbhənin bir neçə hissəsində döyüşlərin davam etdiyini bildirib.

Dünən xalqa müraciət edən Prezident İlham Əliyev atəşkəsin Ermənistan silahlı qüvvələri tərəfindən pozulduğunu, buna baxmayaraq orduya təmkinli olmasını tapşırdığını bildirmişdi. Ermənistanın Baş naziri Nikol Paşinyan da “Facebook” hesabında ölkənin humanitar atəşkəsə sadiq qalacağını vurğulamışdı.

Bir aydır davam edən döyüşlərin 1990-cı illərin müharibəsindən sonra ən təhlükəli səviyyəyə çatdığı bildirilir. Ermənistan silahlı qüvvələri indiyədək 1009 hərbçisinin öldürüldüyünü bildirib. Azərbaycan tərəf itirdiyi hərbçilərlə bağlı rəsmi açıqlama verməyib.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/zbde35

Most Viewed