Bərdə, 28 oktyabr

Source: Meydan TV

Caption: Bərdə, 28 oktyabr

“Ermənistan düşünür ki, dinc əhalini vursalar, Azərbaycanı dayandıra biləcəklər”

Article was updated on :  28 October 2020

Cenevrə görüşü öncəsi mülki əhali niyə hədəfə alındı?

“Ermənistan və Azərbaycan Xarici işlər nazirlərinin 29 oktyabr Cenevrə görüşü öncəsi Bərdə şəhərinin 2 gün ardı-ardıya raket atəşinə tutulması rəsmi Yerevanın çarəsizliyindən və hirsindən doğur”.

Bu açıqlamanı Meydan TV-yə siyasi icmalçı Hikmət Hacızadə verib.

Hikmət Hacızadə bildirib ki, Azərbaycan ordusunun uğurlu əməliyyatları Ermənistanı çıxılmaz vəziyyətə salıb:

“Ona görə onlar irrasional şəkildə davranırlar”.

Hikmət Hacızadə

Hikmət Hacızadə

Source: Meydan TV

Böyük Quruluş Partiyasının başqanı, deputat Fazil Mustafa isə hesab edir ki, Ermənistan müharibə meydanında Azərbaycana məğlub olduğundan dinc əhalini hədəfə alıb:

“Ermənistan düşünür ki, dinc əhalini vursalar, Azərbaycanı dayandıra biləcəklər. Ancaq Azərbaycan heç nəyə məhəl qoymadan Ermənistan ordusunun toplaşdığı Xankəndini və başqa məskunlaşdıqları yerləri vurmalıdır. Çünki Ermənistan ordusunun dinc əhaliyə bu münasibətinin qarşısında sakit və mədəni yol yoxdur. Tarix göstərib ki, onlar digər millətlərlə bir yerdə yaşaya bilmirlər. Maraqlanın, Ermənistanda gürcü və yaxud başqa millət yaşayırmı?”.

Fazil Mustafa

Fazil Mustafa

Source: Meydan TV

Fazil Mustafanın sözlərinə görə, Ermənistanın indiki aqressiv davranışında beynəlxalq ictimaiyyətin günahı var:

“Beynəlxalq ictimaiyyətin susqunluğu səbəbindən Ermənistan hakimiyyəti və cəmiyyəti ərköyünləşib. Təəssüf ki, Ermənistanın aqressiyasını beynəlxalq ictimaiyyət sanksiyalaşdırıb. Biz onların ərazisini işğal etməmişik, əksinə, qarşı tərəf 28 ildir Azərbaycan ərazilərini işğalda saxlayıb və beynəlxalq ictimayyət də buna susqunluqla yanaşıb. Ermənistan beynəlxaq aləmin himayəsiylə həmin əraziləri işğalda saxlayıb. Xocalıda uşaqları qətl edən ordusuna susqun yanaşan toplumdan nə gözləmək olar? Yəni yalnız Ermənistan hakimiyyəti yox, cəmiyyəti də günahkardır”.

Oktyabrın 27-si və 28-də Ermənistan ordusu Azərbaycanın Bərdə şəhərinə raket zərbələri endirib. Dünən 4 nəfər, bu isə son məlumata görə 21 dinc sakin ölüb.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Article was updated on :  28 October 2020
Featured in:  
Shortlink:   http://mtv.re/oop101

Most Viewed