705 nəfərin müalicə olunaraq sağaldığı bildirilir
Yanvarın 23-də Azərbaycanda 162 nəfər COVİD-19 infeksiyasına yoluxub, 705 nəfər müalicə olunaraq sağalıb.
Bu barədə Nazirlər Kabineti yanında Operativ Qərargahın məlumatında deyilir.
Operativ Qərargah 8 nəfərin öldüyünü bildirib.
Qərargah Azərbaycanda indiyə qədər 228 min 688 nəfərin yeni koronavirus infeksiyasına yoluxduğunu xatırladıb: “Onlardan 219 min 724 nəfər müalicə olunaraq sağalıb, 3072 pasiyent ölüb. Hazırda aktiv xəstə sayı 5892 nəfərdir”.
Eyni zamanda, ötən müddətdə 2 milyon 354 min 473 testin aparıldığı qeyd olunub: “Bugünkü test sayı isə 6522-dir”.