ABŞ, Ukrayna və Rusiya

Source: https://inform-ua.info/

Caption: ABŞ, Ukrayna və Rusiya

ABŞ və Rusiya rəsmiləri Ukraynadakı gərginliyi müzakirə ediblər

Moskva məlumatı təsiqləyir, Vaşinqton susur

Rusiya və ABŞ rəsmiləri Ukraynanın cənub-şərqindəki vəziyyəti müzakirə ediblər.

Bu barədə TASS Rusiya Xarici işlər nazirinin müavini Sergey Ryabkova istinadən məlumat yayıb, ancaq Vaşinqton məlumatı təsdiqləməyib.

Məlumatı "Azadliq" Radiosu yayıb.

Ötən gün ABŞ Dövlət Departamenti Moskvadan regionda hərbi hərəkətlər daxil olmaqla “provokasiyaları”na izahat tələb edirdi.

Rəsmi Kiyev isə aprelin 6-da son 24 saat ərzində Rusiyanın dəstəklədiyi qüvvələrin iki ukraynalı hərbçini öldürdüyünü bildirib.

London da Moskvanın Ukrayna sərhədindəki hərəkətindən narahatlığını ifadə edib.

Baş naziri Boris Conson deyib ki, o, Rusiyanın Ukrayna ilə sərhəddə hərbi qüvvə cəmləşdirməsindən son dərəcə narahatdır.

Conson Ukrayna prezidenti Zelenski ilə telefon söhbətində ölkəsinin Ukraynanın ərazi bütövlüyü və suverenliyinə “sarsılmaz dəstəyini” bir daha bəyan edib.

Zelenski isə Birləşmiş Krallıqdan ölkəsindəki hərbi mövcuddiyyətin gücləndirməsini istəyib.

"Rusiyanın indiki hərəkətləri Ukraynanın, NATO ölkələrinin və bütünlükdə Avropanın təhlükəsizliyinə hədədir”, - Zelenski belə deyib.

O habelə Qərb ölkələrini Rusiyaya onun sabitsizləşdirici hərəkətlərinə görə daha sərt sanksiyalar qoymağa və Ukraynanı NATO-nun Üzvlük Hərəkəri Planına qoşmağa çağırıb.

ABŞ prezidenti Co Bayden Zelenski ilə aprelin 2-də telefonla danışıb.

Bu, ABŞ prezidentinin ukraynalı həmkarı ilə ilk təması olub.

Baş verən gərginliyə baxmayaraq, Moskva Ukrayna sərhədi yaxınlığında hərbi qüvvə cəmləşdirməsini manevrlərə hazırlıqla izah edib.

Vaşinqton isə bunu Ukraynanın təhdid edilməsi adlandırıb.

Rusiya Ukraynanın NATO-ya qoşulması əleyhinədir və NATO-nu Ukraynaya dəstək üçün qoşun göndərməkdən çəkinməyə çağırıb.

2014-cü ildən Ukraynanın şərqində Moskvanın dəstəklədiyi separatçılar silahlı münaqişəyə başlayıb.

Son 7 ildə münaqişədə 13 min adam ölüb.

Rusiya Ukraynadan separatçıların nəzarətində olan ərazilərə muxtariyyət verilməsini tələb edir.

While you are here …

We have a small favor to ask of you. In an environment where information is under tight government control, Meydan TV works hard to ensure that people have access to quality independent journalism. We shed light on stories you might otherwise not read because we believe that those who cannot speak up deserve to be heard, and those in power need to be held accountable. We invest considerable time, effort and resources to do so, which is why we need your help.

Your support empowers our courageous journalists, many of whom work at great personal risk to freedom and safety. Every contribution to the protection of independent journalism in Azerbaijan matters. Thank you.

SUPPORT US
Featured in:  
Shortlink:   http://mtv.re/gj6sh1

Most Viewed