<\/p>\n\n\n\n
Yadigar Sad\u0131ql\u0131<\/strong><\/p>\n\n\n\n <\/p>\n\n\n\n AB\u015e administrasiyas\u0131 narkotikl\u0259rl\u0259 t\u0259kc\u0259 \u00f6lk\u0259 daxilind\u0259 m\u00fcbariz\u0259 aparm\u0131rd\u0131…<\/strong><\/em><\/p>\n\n\n\n 1960-c\u0131 ill\u0259rd\u0259 narkomaniya AB\u015e c\u0259miyy\u0259tinin \u0259sas probleml\u0259rind\u0259n birin\u0259 \u00e7evrilir. 1968-ci ild\u0259 Narkotikl\u0259r v\u0259 T\u0259hl\u00fck\u0259li Madd\u0259l\u0259r \u00fczr\u0259 B\u00fcro (BNDD) yarad\u0131l\u0131r. H\u0259min ilin prezident se\u00e7kil\u0259ri kampaniyas\u0131nda Respublika\u00e7\u0131lar Partiyas\u0131ndan namiz\u0259d Ri\u00e7ard Nikson qalib g\u0259l\u0259c\u0259yi t\u0259qdird\u0259 narkotikl\u0259r\u0259 m\u00fcbariz\u0259y\u0259 ciddi diqq\u0259t ay\u0131raca\u011f\u0131n\u0131 v\u0259d edir. Yadigar Sad\u0131ql\u0131 AB\u015e administrasiyas\u0131 narkotikl\u0259rl\u0259 t\u0259kc\u0259 \u00f6lk\u0259 daxilind\u0259 m\u00fcbariz\u0259 aparm\u0131rd\u0131… … <\/p>\n
Se\u00e7kil\u0259rd\u0259 Nikson qalib g\u0259ldi v\u0259 1969-cu il yanvar\u0131n 20-d\u0259 and i\u00e7\u0259r\u0259k s\u0259lahiyy\u0259tl\u0259rinin icras\u0131na ba\u015flad\u0131. 1970-ci ild\u0259 Konqres \u201cNarkotik madd\u0259l\u0259rd\u0259n sui-istifad\u0259 v\u0259 bununla m\u00fcbariz\u0259 haqq\u0131nda\u201d Qanun q\u0259bul etdi. N\u00f6vb\u0259ti ild\u0259 Niksonun i\u015fl\u0259tdiyi \u201cnarkotikl\u0259rl\u0259 m\u00fcharib\u0259\u201d populyar ifad\u0259y\u0259 \u00e7evrildi. 1973-c\u00fc ild\u0259 BNDD \u0259v\u0259zin\u0259 Narkotikl\u0259rl\u0259 m\u00fcbariz\u0259 idar\u0259si (DEA) yarad\u0131ld\u0131.
AB\u015e administrasiyas\u0131 narkotikl\u0259rl\u0259 t\u0259kc\u0259 \u00f6lk\u0259 daxilind\u0259 m\u00fcbariz\u0259 aparm\u0131rd\u0131. Xa\u015fxa\u015f \u0259k\u0259n bir \u00e7ox \u00f6lk\u0259d\u0259n \u0259kinin qada\u011fan edilm\u0259si ist\u0259nilirdi. \u018fn \u00e7ox xa\u015fxa\u015f \u0259k\u0259n \u00f6lk\u0259l\u0259rd\u0259n biri d\u0259 T\u00fcrkiy\u0259 idi. Nikson h\u0259l\u0259 1969-c\u00fc ilin yanvar\u0131nda, s\u0259lahiyy\u0259tl\u0259rinin icras\u0131na ba\u015flayar-ba\u015flamaz ba\u015f nazir S\u00fcleyman Demirel\u0259 bununla ba\u011fl\u0131 m\u0259ktub g\u00f6nd\u0259rmi\u015fdi. Niksonun m\u00fc\u015faviri Patrik Moynihen h\u0259min il eyni m\u0259qs\u0259dl\u0259 T\u00fcrkiy\u0259y\u0259 g\u0259ldi.\u00a0 Ankaraya yenic\u0259 s\u0259fir t\u0259yin olunan Uilyam Hendli xarici i\u015fl\u0259r naziri \u0130hsan Sabri \u00c7a\u011flayangil v\u0259 Demirell\u0259 g\u00f6r\u00fc\u015f\u0259r\u0259k k\u0259ndlil\u0259r\u0259 kompensasiya \u00f6d\u0259nilm\u0259si \u015f\u0259rtil\u0259 xa\u015fxa\u015f \u0259kininin qada\u011fan edilm\u0259sini ist\u0259di.
Amma Demirel h\u00f6kum\u0259ti bu ist\u0259kl\u0259r\u0259 m\u00fcsb\u0259t yana\u015fmad\u0131. Qada\u011fa k\u0259ndlil\u0259rin g\u0259lirl\u0259rini azaldar v\u0259 h\u00f6kum\u0259tin reytinqinin d\u00fc\u015fm\u0259sin\u0259 s\u0259b\u0259b ola bil\u0259rdi. Zat\u0259n k\u0259ndlil\u0259r \u0259sas\u0259n Demirelin \u018fdal\u0259t partiyas\u0131ns\u0259s verirdil\u0259r. D\u00f6vl\u0259t katibinin m\u00fcavini Elliott Ri\u00e7ardsonun 1970-ci ilin aprelind\u0259 Ankara s\u0259f\u0259ri d\u0259 bu s\u0259b\u0259bd\u0259n n\u0259tic\u0259siz oldu.
Bununla bel\u0259, Ankara g\u0259rginliy\u0259 yol verm\u0259m\u0259k \u00fc\u00e7\u00fcn xa\u015fxa\u015f \u0259kinini m\u0259hdudla\u015fd\u0131rma\u011f\u0131 q\u0259rara ald\u0131. \u018fkin sah\u0259sinin 50,6 min hektardan 13 min hektara d\u00fc\u015f\u00fcr\u00fcl\u0259c\u0259yi a\u00e7\u0131qland\u0131. Yaln\u0131z d\u00f6rd vilay\u0259td\u0259 xa\u015fxa\u015f \u0259kinin\u0259 icaz\u0259 verilirdi. Eyni zamanda n\u0259zar\u0259t g\u00fccl\u0259ndirilirdi, c\u0259zalar a\u011f\u0131rla\u015fd\u0131r\u0131ld\u0131. Amma bu add\u0131mlar \u0259ks effekt verdi.
Va\u015finqtonda hesab etdil\u0259r ki, T\u00fcrkiy\u0259y\u0259 bir az da h\u0259d\u0259-qorxu g\u0259lin\u0259rs\u0259, \u0259kin tam qada\u011fan oluna bil\u0259r. \u0130yulun 21-d\u0259 Konqresd\u0259 \u00e7\u0131x\u0131\u015f ed\u0259n \u0259dliyy\u0259 naziri Con Mit\u00e7ell AB\u015e g\u0259ncliyini z\u0259h\u0259rl\u0259y\u0259n narkotikin 80 faizinin T\u00fcrkiy\u0259d\u0259n g\u0259ldiyini s\u00f6yl\u0259di. O, T\u00fcrkiy\u0259y\u0259 qar\u015f\u0131 embarqo t\u0259tbiq olunmas\u0131n\u0131 v\u0259 h\u0259tta ticar\u0259ti tamamil\u0259 dayand\u0131rma\u011f\u0131 t\u0259klif etdi.
Bu \u00e7\u0131x\u0131\u015f Ankarada ciddi naraz\u0131l\u0131q do\u011furdu. Ert\u0259si g\u00fcn AB\u015e s\u0259fitliyinin m\u00fcv\u0259qq\u0259ti i\u015fl\u0259r v\u0259kili X\u0130N-\u0259 \u00e7a\u011fr\u0131ld\u0131, amerikal\u0131 nazirin \u00e7\u0131x\u0131\u015f\u0131n\u0131n \u201chayret ve \u00fcz\u00fcnt\u00fc ile kar\u015f\u0131land\u0131\u011f\u0131, en k\u0131sa zamanda bir a\u00e7\u0131klama beklenildi\u011fi\u201d bildirildi. Demirel \u00f6z\u00fc d\u0259 b\u0259yanatla \u00e7\u0131x\u0131\u015f ed\u0259r\u0259k Mit\u00e7ellin \u00e7\u0131x\u0131\u015f\u0131n\u0131n \u00f6lk\u0259sinin suverenliyin\u0259 t\u0259hdid oldu\u011funu bildirdi. T\u00fcrkiy\u0259 siyasi palitras\u0131n\u0131n h\u0259m sa\u011f, h\u0259m sol cinah\u0131nda AB\u015e \u00fcnvan\u0131na k\u0259skin fikirl\u0259r s\u0259sl\u0259ndi.
Ankaran\u0131n reaksiyas\u0131 n\u0259tic\u0259siz qalmad\u0131. Va\u015finqtondak\u0131 s\u0259fir Melih Esenbel D\u00f6vl\u0259t departamentin\u0259 d\u0259v\u0259t edildi v\u0259 Nikson administrasiyas\u0131n\u0131n T\u00fcrkiy\u0259y\u0259 h\u0259r hans\u0131 m\u0259hdudiyy\u0259t t\u0259tbiq etm\u0259k niyy\u0259tind\u0259 olmad\u0131\u011f\u0131 bildirildi.
T\u00fcrkiy\u0259d\u0259 yeti\u015fdiril\u0259n xa\u015fxa\u015fdan \u0259ld\u0259 olunan heroinin amerikal\u0131 g\u0259ncl\u0259ri z\u0259h\u0259rl\u0259diyini dey\u0259n AB\u015e r\u0259smil\u0259ri tam haqs\u0131z deyildil\u0259r. Bununla bel\u0259, T\u00fcrkiy\u0259d\u0259 \u0259ld\u0259 olunan narkotiki h\u0259cmi \u015fi\u015firdilirdi. M\u0259s\u0259l\u0259nin, sanki T\u00fcrkiy\u0259d\u0259 xa\u015fxa\u015f \u0259kini qada\u011fan olunan kimi problem h\u0259ll olunacaq \u015f\u0259klind\u0259 t\u0259qdim edilm\u0259si d\u0259 yanl\u0131\u015f idi.
Bununla yana\u015f\u0131, T\u00fcrkiy\u0259nin d\u0259 xa\u015fxa\u015f \u0259kinini tam n\u0259zar\u0259t\u0259 ala bilm\u0259m\u0259sini, \u00f6lk\u0259d\u0259 yeti\u015fdiril\u0259n m\u0259hsuldan qeyri-leqal yolla xeyli heroin \u0259ld\u0259 olunmas\u0131n\u0131 qeyd etm\u0259k laz\u0131md\u0131r.
***
1971-ci il mart\u0131n 12-d\u0259 T\u00fcrkiy\u0259 C\u00fcmhuriyy\u0259ti Ba\u015f Q\u0259rargah r\u0259isi Memduh Ta\u011fmac, Quru q\u00fcvv\u0259l\u0259r komandan\u0131 Faruk G\u00fcrler, H\u0259rbi d\u0259niz q\u00fcvv\u0259l\u0259ri komandan\u0131 Celal Eyicio\u011flu v\u0259 H\u0259rbi hava q\u00fcvv\u0259l\u0259ri komandan\u0131 Muhsin Batur prezident Cevdet Sunaya memorandum (12 mart muhtiras\u0131) g\u00f6nd\u0259rdil\u0259r.
\u00dc\u00e7 madd\u0259d\u0259n ibar\u0259t s\u0259n\u0259din birinci madd\u0259sind\u0259 yaz\u0131l\u0131rd\u0131:
\u201cTBMM v\u0259 H\u00f6kum\u0259t davam ed\u0259n r\u0259ftarlar\u0131, y\u0131\u011f\u0131ncaqlar\u0131 v\u0259 h\u0259r\u0259k\u0259tl\u0259ri il\u0259 \u00f6lk\u0259mizi anarxiyaya, qarda\u015fl\u0131q davas\u0131na, sosial v\u0259 iqtisadi t\u0259lat\u00fcml\u0259r\u0259 s\u00fcr\u00fckl\u0259mi\u015f, Atat\u00fcrk\u00fcn biz\u0259 h\u0259d\u0259f olaraq verdiyi \u00e7a\u011fda\u015f sivilizasiya s\u0259viyy\u0259sin\u0259 \u00e7atmaq \u00fcmidini itirmi\u015f, h\u0259yata ke\u00e7ir\u0259 bilm\u0259mi\u015fdir. Konstitusiyan\u0131n n\u0259z\u0259rd\u0259 tutdu\u011fu islahatlar\u0131 h\u0259yata ke\u00e7irin v\u0259 T\u00fcrkiy\u0259 Respublikas\u0131n\u0131n g\u0259l\u0259c\u0259yi b\u00f6y\u00fck t\u0259hl\u00fck\u0259 alt\u0131ndad\u0131r\u201d.<\/em>
\u0130kinci madd\u0259d\u0259 v\u0259ziyy\u0259td\u0259n \u00e7\u0131x\u0131\u015f yolu kimi bit\u0259r\u0259f texnokrat h\u00f6kum\u0259tin yarad\u0131lmas\u0131 t\u0259klif olunurdu. \u00dc\u00e7\u00fcnc\u00fc madd\u0259d\u0259 is\u0259 bildirilirdi ki, \u0259g\u0259r h\u0259rb\u00e7il\u0259rin t\u0259l\u0259bi yerin\u0259 yetirilm\u0259s\u0259, onlar idar\u0259\u00e7iliyi bilavasit\u0259 \u0259ll\u0259rin\u0259 alacaqlar.
T\u0259l\u0259b q\u0259bul olundu, Demirel h\u00f6kum\u0259ti istefa verdi. CHP \u00fczv\u00fc Nihat Erim is\u0259 h\u0259rb\u00e7il\u0259rin ist\u0259yi il\u0259 partiyadan \u00e7\u0131xaraq texnokratlardan ibar\u0259t 33-c\u00fc C\u00fcmhuriyy\u0259t h\u00f6kum\u0259tini qurdu.
Se\u00e7kil\u0259rin n\u0259tic\u0259l\u0259rin\u0259 \u0259sas\u0259n iqtidara g\u0259l\u0259n v\u0259 iqtidardan ged\u0259n siyasi partiyalardan f\u0259rqli olaraq, Erim h\u00f6kum\u0259tinin elektoral qay\u011f\u0131lar\u0131 yox idi. Buna g\u00f6r\u0259 d\u0259 xa\u015fxa\u015f m\u0259s\u0259l\u0259sind\u0259 daha s\u0259rb\u0259st davrana bil\u0259rdi. \u0130qtidara g\u0259lm\u0259sind\u0259n \u00fc\u00e7 ay sonra, iyunun 30-da xa\u015fxa\u015f \u0259kini qada\u011fan edildi. Bunun m\u00fcqabilind\u0259 AB\u015e 10 il \u0259rzind\u0259 h\u0259r il 3,5 milyon dollar yard\u0131m ed\u0259c\u0259kdi.
***
1973-c\u00fc il pay\u0131z\u0131nda T\u00fcrkiy\u0259d\u0259 parlament se\u00e7kil\u0259ri ke\u00e7irilirdi. K\u0259ndlil\u0259rin r\u0259\u011fb\u0259tini qazanma\u011fa \u00e7al\u0131\u015fan b\u00fct\u00fcn partiyalar iqtidar olduqlar\u0131 halda xa\u015fxa\u015f \u0259kinin\u0259 yenid\u0259n icaz\u0259 ver\u0259c\u0259kl\u0259rini v\u0259d edirdil\u0259r. Oktyabr\u0131n 14-d\u0259 ke\u00e7iril\u0259n se\u00e7kil\u0259rd\u0259 B\u00fclent Ecevitin r\u0259hb\u0259rlik etdiyi CHP s\u0259sl\u0259rin 1\/3-ni toplayaraq birinci yer tutdu v\u0259 d\u00f6rd\u00fcnc\u00fc yeri tutan Milli Selamet Partiyas\u0131 il\u0259 koalisiyada 37-ci T\u00fcrkiy\u0259 h\u00f6kum\u0259tini qurdu.
1974-c\u00fc il iyulun 1-d\u0259 h\u00f6kum\u0259t Afyon (ad\u0131n\u0131n m\u0259nas\u0131 tiry\u0259k dem\u0259kdir), Burdur, D\u0259nizli, Isparta, K\u00fctahya, U\u015fak ve Konya olmaqla 7 vilay\u0259td\u0259 s\u0259rt n\u0259zar\u0259t alt\u0131nda xa\u015fxa\u015f \u0259kinin\u0259 icaz\u0259 verdi. Buna cavab olaraq, iki h\u0259ft\u0259 sonra AB\u015e Konqresi \u0259sas\u0259n h\u0259rbi sah\u0259ni \u0259hat\u0259 ed\u0259n embarqo haqq\u0131nda q\u0259rar q\u0259bul etdi.
Ecevit h\u00f6kum\u0259ti basq\u0131n\u0131 v\u0259 q\u0131naqlar\u0131 azaltmaq bir s\u0131ra add\u0131mlar atd\u0131. Xa\u015fxa\u015f\u0131n k\u0259ndli t\u0259r\u0259find\u0259n \u00e7\u0259rtilm\u0259si qada\u011fan idi. M\u0259hsul \u00e7\u0259rtilm\u0259mi\u015f \u015f\u0259kild\u0259 fabrikl\u0259r\u0259 t\u0259hvil verilm\u0259li idi. Yaln\u0131z fabrikl\u0259rd\u0259 \u0259ld\u0259 olunan narkotik madd\u0259l\u0259r leqal tibb ehtiyaclar\u0131 \u00fc\u00e7\u00fcn s\u0259rf edil\u0259c\u0259kdi. Bu m\u0259qs\u0259dl\u0259, Afyon Bolvadind\u0259 alkoloid fabrikinin \u0259sas\u0131 qoyuldu.
AB\u015e konqresi 1975-ci ild\u0259 \u00fc\u00e7 d\u0259f\u0259 s\u0259n\u0259d q\u0259bul ed\u0259r\u0259k T\u00fcrkiy\u0259d\u0259 xa\u015fxa\u015f \u0259kinin\u0259 qada\u011fan\u0131n b\u0259rpa edilm\u0259sini ist\u0259di. Bu ist\u0259yin yerin\u0259 yetirilm\u0259m\u0259sin\u0259 baxmayaraq, h\u0259m Ankaran\u0131n xa\u015fxa\u015f yeti\u015fdirilm\u0259sin\u0259 n\u0259zar\u0259t y\u00f6n\u00fcnd\u0259 atd\u0131\u011f\u0131 add\u0131mlar, h\u0259m d\u0259 ba\u015fqa hadis\u0259l\u0259r iki \u00f6lk\u0259 aras\u0131ndak\u0131 xa\u015fxa\u015f b\u00f6hran\u0131n\u0131 yava\u015f-yava\u015f s\u0259ngitdi.
T\u00fcrkiy\u0259ni \u0259sas heroin m\u0259nb\u0259yi kimi t\u0259qdim ed\u0259n Ri\u00e7ard Nikson Uotorgeyt qalmaqal\u0131 \u00fcz\u00fcnd\u0259n 1974-c\u00fc ilin avqustunda istefa verdi. H\u0259min il T\u00fcrkiy\u0259nin Kiprin \u015fimal\u0131n\u0131 tutmas\u0131na AB\u015e-\u0131n reaksiyas\u0131ndan naraz\u0131 qalan Yunan\u0131stan NATO-nun h\u0259rbi t\u0259\u015fkilat\u0131nda i\u015ftirak\u0131n\u0131 dayand\u0131rd\u0131. Bel\u0259 v\u0259ziyy\u0259td\u0259 T\u00fcrkiy\u0259ni d\u0259 naraz\u0131 salmaq alyans\u0131 ciddi sur\u0259td\u0259 z\u0259ifl\u0259d\u0259rdi. N\u0259tic\u0259d\u0259, xa\u015fxa\u015f b\u00f6hran\u0131 sona \u00e7atd\u0131.
Amma bu b\u00f6hran bir n\u0259f\u0259rin taleyin\u0259 ciddi sur\u0259td\u0259 t\u0259sir etdi. H\u0259min adam Billi Heys adl\u0131 amerikal\u0131 g\u0259nc idi.
***
Billi Heys 1947-ci ild\u0259 Nyu Yorkda do\u011fulmu\u015fdu. 1960-c\u0131 ill\u0259r AB\u015e g\u0259ncl\u0259rinin \u00e7oxu kimi narkotik\u0259 h\u0259v\u0259si vard\u0131, amma onun daha y\u00fcng\u00fcl n\u00f6v\u00fc olan h\u0259\u015fi\u015fl\u0259 meyl edirdi. Billi 1970-ci ild\u0259 turist kimi T\u00fcrkiy\u0259y\u0259 g\u0259lir v\u0259 burada AB\u015e-dan qat-qat ucuz olan h\u0259\u015fi\u015f alaraq \u00f6z\u00fc il\u0259 aparmaq ist\u0259yir. Amma oktyabr\u0131n 7-d\u0259 hava liman\u0131nda yoxlamadan ke\u00e7\u0259rk\u0259n 1,8 kq h\u0259\u015fi\u015fl\u0259 yaxalan\u0131r.
M\u0259hk\u0259m\u0259 qar\u015f\u0131s\u0131na \u00e7\u0131xar\u0131lan Heys narkotik madd\u0259l\u0259r \u0259ld\u0259 etm\u0259k v\u0259 saxlamaq ittiham\u0131 il\u0259 4 il 2 ay m\u00fcdd\u0259tin\u0259 h\u0259bs c\u0259zas\u0131na m\u0259hkum edilir. \u018flb\u0259tt\u0259, h\u0259s\u0259d apar\u0131lacaq aqib\u0259t deyil, amma o zaman\u0131n T\u00fcrkiy\u0259 h\u0259bsxanalar\u0131nda v\u0259ziyy\u0259t n\u0259 q\u0259d\u0259r pis olsa da d\u00f6zm\u0259k olard\u0131. \u018fg\u0259r qar\u015f\u0131da daha a\u011f\u0131r aqib\u0259t g\u00f6zl\u0259m\u0259s\u0259ydi.
H\u0259bs m\u00fcdd\u0259tinin bitm\u0259sin\u0259 bir ne\u00e7\u0259 h\u0259ft\u0259 qalark\u0259n v\u0259kili Heys\u0259 x\u0259b\u0259r verir ki, daha yuxar\u0131 instansiya m\u0259hk\u0259m\u0259si onun \u0259m\u0259lini qa\u00e7aqmal\u00e7\u0131l\u0131q kimi t\u00f6vsif ed\u0259r\u0259k \u00f6m\u00fcrl\u00fck h\u0259bs c\u0259zas\u0131na m\u0259hkum edib. Bu, 1974-c\u00fc ilin pay\u0131z\u0131na t\u0259sad\u00fcf edir. H\u0259min vaxt Ecevit h\u00f6kum\u0259ti xa\u015fxa\u015f \u0259kinin\u0259 icaz\u0259 vermi\u015f, AB\u015e da embarqo t\u0259tbiq etmi\u015fdi. Buna g\u00f6r\u0259 d\u0259 ehtimal olunur ki, Billi Heys sad\u0259c\u0259 iki \u00f6lk\u0259 aras\u0131ndak\u0131 b\u00f6hran\u0131n qurban\u0131 idi.
Va\u015finqton AB\u015e v\u0259t\u0259nda\u015f\u0131n\u0131 qurtarmaq \u00fc\u00e7\u00fcn bir s\u0131ra c\u0259hdl\u0259r etdi. Amma 7 il AB\u015e-da s\u0259fir i\u015fl\u0259dikd\u0259n sonra xarici i\u015fl\u0259r naziri t\u0259yin olunan Melih Esenbel bu c\u0259hdl\u0259r\u0259 m\u0259nfi cavab verdi.
1975-ci ilin may\u0131nda Konstitusiya m\u0259hk\u0259m\u0259si narkotikl\u0259rl\u0259 ba\u011fl\u0131 cinay\u0259tl\u0259r\u0259g\u00f6r\u0259 veril\u0259n c\u0259zalarda c\u00fczi yum\u015falmalar edir. Heysin d\u0259 c\u0259zas\u0131 30 il\u0259 endirilir v\u0259 o, \u0130mral\u0131 adas\u0131ndak\u0131 h\u0259bsxanaya g\u00f6nd\u0259rilir. Oktyabr\u0131n 2-d\u0259 Heys qay\u0131qla buradan qa\u00e7a bilir v\u0259 Yunan\u0131stana ke\u00e7m\u0259yi bacar\u0131r. Yunanlar da onu iki h\u0259ft\u0259 sor\u011fu-suala tutduqdan sonra amerikal\u0131lara t\u0259hvil verirl\u0259r.
\u00d6lk\u0259sin\u0259 qay\u0131dan Heys ba\u015f\u0131na g\u0259l\u0259nl\u0259r haqq\u0131nda \u201cGec\u0259yar\u0131 ekspresi\u201d adl\u0131 kitab yaz\u0131r v\u0259 h\u0259min kitab \u0259sas\u0131nda 1978-ci ild\u0259 eyni adl\u0131 film \u00e7\u0259kilir. Heysin rolunu Bred Devis oynay\u0131r. Filmi daha h\u0259y\u0259canl\u0131 etm\u0259k \u00fc\u00e7\u00fcn rejissor Alan Parker v\u0259 ssenarist Oliver Stoun T\u00fcrkiy\u0259 h\u0259bsxanalar\u0131n\u0131 kitabda oldu\u011fundan daha d\u0259h\u015f\u0259tli t\u0259svir edirl\u0259r. Onlar\u0131n uydurduqlar\u0131 s\u0259hn\u0259l\u0259r aras\u0131nda Heysin onu zorlamaq ist\u0259y\u0259n H\u0259mid adl\u0131 n\u0259zar\u0259t\u00e7ini \u00f6ld\u00fcrm\u0259si var. Halbuki \u00f6z\u00fcn\u00fcn q\u0259ddarl\u0131\u011f\u0131 il\u0259 se\u00e7il\u0259n h\u0259min n\u0259zar\u0259t\u00e7ini h\u0259l\u0259 1973-c\u00fc ild\u0259 ba\u015fqa bir ke\u00e7mi\u015f dustaq azadl\u0131\u011fa \u00e7\u0131xandan sonra \u00f6ld\u00fcr\u00fcb. H\u0259mid onu d\u00f6y\u0259rk\u0259n ail\u0259sini d\u0259 s\u00f6y\u00fcrm\u00fc\u015f.
Billi Heys verdiyi m\u00fcsahib\u0259l\u0259rd\u0259 filmd\u0259 \u00e7ox \u015fi\u015firtm\u0259l\u0259r\u0259 yol verildiyini d\u0259f\u0259l\u0259rl\u0259 s\u00f6yl\u0259yir v\u0259 b\u00fct\u00fcn t\u00fcrkl\u0259rin m\u0259nfi t\u0259svir olunmas\u0131ndan t\u0259\u0259ss\u00fcf\u00fcn\u00fc ifad\u0259 edir. 2007-ci ild\u0259 T\u00fcrkiy\u0259y\u0259 g\u0259l\u0259n Billi Heys \u201ckitaba g\u00f6r\u0259 deyil, kitab \u0259sas\u0131nda \u00e7\u0259kil\u0259n film\u0259 g\u00f6r\u0259\u201d t\u00fcrk xalq\u0131ndan \u00fczr ist\u0259yir.
\u201cNational Geographic\u201d kanal\u0131 \u201cXaricd\u0259 ya\u015fanan m\u00fcsib\u0259tl\u0259r\u201d s\u0259n\u0259dli serial\u0131 \u00e7\u0259r\u00e7iv\u0259sind\u0259 2010-cu ild\u0259 \u201cGer\u00e7\u0259k gec\u0259yar\u0131 ekspresi\u201d adl\u0131 film \u00e7\u0259kdi. Burada Billi Heys T\u00fcrkiy\u0259 h\u0259bsxanalar\u0131nda ya\u015fad\u0131qlar\u0131n\u0131 daha ger\u00e7\u0259k \u015f\u0259kild\u0259 dan\u0131\u015f\u0131r.<\/p>\n","protected":false},"excerpt":{"rendered":"