“Yuğ” Teatrı

Mənbə: Foto: Meydan tv

Başlıq: “Yuğ” Teatrı

“Yuğ” Teatrının 30, Vaqif İbrahimoğlunun 70 illiyinə həsr olunmuş tədbir keçirilib

Mərasimdə teatrın müxtəlif tamaşalarından parçalar da nümayiş olunub

Azərbaycan Dövlət “Yuğ” Teatrının yaranmasının 30 illiyi qeyd olunub.

Səməd Vurğun adına Azərbaycan Dövlət Akademik Rus Dram Teatrında keçirilən tədbir həmçinin teatrın yaradıcısı, əməkdar incəsənət xadimi Vaqif İbrahimoğlunun 70 illiyinə həsr olunub.

Rus Dram Teatrıının foyesində “Yuğ” Teatrının 30 illik fəaliyyətini əks etdirən fotolardan ibarət sərgi təşkil edilib.

Tədbir Mədəniyyət Nazirliyinin dəstəyi ilə reallaşıb. Mədəniyyət naziri Əbülfəs Qarayev “Yuğ” Dövlət Teatrının Azərbaycan incəsənətində tamamilə yeni bir mühitə malik olduğunu söyləyib.

Mərasimdə teatrın müxtəlif tamaşalarından parçalar da nümayiş olunub.

Azərbaycan Dövlət “Yuğ” Teatrı 1989-cu ildə rejissor Vaqif İbrahimoğlu tərəfindən yaradılıb və Milli Teatrın dördüncü mərtəbəsinin kiçik səhnəsində fəaliyyətə başlayıb. 1993-cü ildə teatra dövlət statusu verilib. 2011-ci ilə qədər teatrın bədii rəhbəri Vaqif İbrahimoğlu olub.

“Yuğ” teatrının poetikası qədim türklərin “yuğlama” (həlak olmuş igidin şərəfinə qopuz /saz musiqisinin müşayiəti ilə təntənəli surətdə keçirilən yas məclisi) mərasimi, şamançılıq ənənələri ilə çağdaş Avropa teatr avanqardının prinsiplərinin sintezi üzərində qurulub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/9b5gkl

Ən çox baxılan