“Yeddi gözəl” baleti

Mənbə: Meydan TV

Başlıq: “Yeddi gözəl” baleti

“Yeddi gözəl” baleti Moskva Quberniya Teatrında oynanılacaq

Tamaşa Nizami Gəncəvinin 880 illiyinə həsr edilib

Moskva Quberniya Teatrında bəstəkar Qara Qarayevin “Yeddi gözəl” baleti nümayiş olunacaq.

Bu gün təqdim ediləcək balet Azərbaycan şairi Nizami Gəncəvinin anadan olmasının 880 illiyinə həsr edilib.

Tamaşanın quruluşçu baletmeysterləri Azərbaycanın xalq artistləri Rəfiqə Axundova və Maqsud Məmmədovdur.

“Rus baleti” teatrının baletmeysteri, Azərbaycanın əməkdar artisti Vitali Axundov tamaşanın yeni redaksiyanı hazırlayıb.

Vitali Axundov Azərbaycan Dövlət Akademik Opera və Balet Teatrında “Yeddi gözəl” baletində Bəhram şah rolunun ifaçısı olub.

“Yeddi gözəl” baletinin süjetinin əsasını şair Nizami Gəncəvinin eyniadlı poeması təşkil edir. Bəstəkar Qara Qarayevin yazdığı (libretto müəllifləri İsmayıl Hidayətzadə, Yuri Slonimski, Sabit Rəhman) baletin premyerası 1952-ci ildə Azərbaycan Dövlət Akademik Opera və Balet Teatrında keçirilib.

Müxtəlif illərdə “Yeddi gözəl” baleti Rusiya (Moskva, Sankt-Peterburq, Ufa, Saransk, Sıktıvkar, Perm), Belarus, Ukrayna, Türkiyə, ABŞ, Belçika teatrlarında səhnəyə qoyulub.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/s7vst2

Ən çox baxılan