Mənbə: Meydan TV

Xırdalanda partlayış: 1988-ci il təvəllüdlü Aytən Musayevanın axtarışları aparılır (yenilənib)

Məqalə yeniləndi:  25 Yanvar 2021

23.35. Xırdalanda baş vermiş partlayış nəticəsində 6 nəfər müxtəlif bədən xəsarətləri ilə paytaxt xəstəxanasına yerləşdirilib

Bu barədə Abşeron Rayon Mərkəzi Xəstəxanasının direktoru Mehriban Qaralova jurnalistlərə bildirib. M. Qaralovanın verdiyi məlumata görə, partlayış baş verən fərdi yaşayış evin sahibi 1982-ci il təvəllüdlü Musayev Vüsal Firuddin oğlunun durumu o birilərinə nisbətən daha ağırdır. O, xəsarət alanlardan birinin uşaq olduğunu deyib.

Abşeron Rayon Polis İdarəsindən bildirilib ki, hazırda dağıntılar altında qaldığı ehtimal olunan 1988-ci il təvəllüdlü Aytən Musayevanın axtarışları aparılır.

***

Abşeron rayonu, Xırdalan şəhərində evdə partlayış olub.

Bu barədə Meydan TV-yə hadisə şahidləri məlumat veriblər.

Onlar bildiriblər ki, hadisə şəhərin mərkəz hissəsində, “Bizim Market”in yaxınlığında yerləşən yaşayış evində baş verib.

Məlumata görə, partlayışdan sonra evdə yanğın başlayıb.

Hadisə yerinə xeyli sayda təcili yardım maşını və yanğınsöndürənlər cəlb olunub.

Fövqəladə Hallar Nazirliyindən APA-ya məlumatı təsdiqləyiblər.

Bildirilib ki, biri qadın, digəri uşaq olmaqla iki nəfər dağıntılar altından çıxarıb.

Axtarış xilasetmə işlərinin davam etdiyi bildirilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  25 Yanvar 2021
Bölmələr:  
qısa linklər:   http://mtv.re/ijeueu

Ən çox baxılan