Mənbə: Meydan Tv

Xətai rayonunda polislə vətəndaşlar arasında qarşıdurma yaşanıb

BŞBPİ faktla bağlı məlumat yayıb

Bakının Xətai rayonunda bir qrup vətəndaşla polis arasında qarşıdurma yaşanıb. Sosial şəbəkələrdə yayılan videogörüntülərdən belə məlum olur ki, polis yeniyetmələrə qarşı zor tətbiq edir, digər sakinlər isə onların bu hərəkətini etirazla qarşılayır. Hadisə İlqar Zülfüqarov küçəsində qeydə alınıb. Bu dəfə polislər iki yeniyetməni zorla şəxsi maşına basmağa cəhd ediblər. Sakinlər maşının 90-HS-369 nömrə nişanlı olduğunu deyirlər.

Polis zorakılığına ərazidəki digər sakinlər etiraz edib. Onlar maşının qarşısına keçərək polisə mane olmağa cəhd ediblər.

Bakı şəhər Baş Polis İdarəsi hadisə ilə bağlı məlumat yayıb. Məlumatda deyilir ki, Ucar rayon sakinləri olan və hazırda Xətai rayonunda kirayədə yaşayan Mirqalib və Mircavad Əliyev qardaşları xüsusi karantin rejimi qaydalarına əməl edilməsi ilə bağlı nəzarət-profilaktik tədbirləri həyata keçirən polis əməkdaşlarının qanuni tələblərinə tabe olmayaraq mübahisəli vəziyyət yaradıblar:

“Onlardan müvafiq icazələrinin olub-olmaması ilə bağlı şəxsiyyətlərini təsdiq edən sənəd tələb edildikdə onlar qəsdən polisin tələbinə tabe olmayıblar. Onlar şəxsiyyətlərini müəyyən etmək üçün polis bölməsinə aparılarkən orada olan qardaşların atası polisin fəaliyyətinə maneə törətməyə cəhd edib.

Belə olduqda, polis əməkdaşları həmin şəxsləri 36-cı Polis bölməsinə apararaq, şəxsiyyətlərini müəyyən edərək, hər biri barəsində İnzibati Xətalar Məcəlləsinin 454 və 211-ci maddələri ilə inzibati tənbeh tədbiri görülüb”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/zcalvo

Ən çox baxılan