Xalidə Bayramova

Mənbə: Trend.az

Başlıq: Xalidə Bayramova

Xalidə Bayramova vəzifəsindən çıxarıldı

O, vəzifə səlahiyyətlərindən sui-istifadə günahlandırılır

Səbail Rayon İcra Hakimiyyəti başçısının birinci müavini Xalidə Bayramova vəzifəsindən çıxarılıb.

Bu barədə rayon icra başçısı Vüqar Zeynalov mayın 6-da əmr imzalayıb.

Xəbəri "trend.az" yayıb.

Mayın 4-də Baş Prokurorluq Xalidə Bayramovaya xəbərdarlıq edib. Səbəb kimi Xalidə Bayramovanın vəzifə səlahiyyətlərindən istifadə etməsi göstərilib: “Araşdırma zamanı məlum olub ki, Xalidə Bayramova Səbail rayonu ərazisində yerləşən 1 saylı şəhər poliklinikasının vəzifəli şəxslərinə zəng edib. O, Covid-19 əleyhinə vaksinasiya prosesilə əlaqədar yaxın qohumuna peyvənd vurulmadan, onun peyvəndlənmiş şəxs kimi qeydiyyata alınıb, bu barədə tibbi sənəd verilməsini tələb edib”.

Xalidə Bayramovanın adı 2019-cu ilin aprelində 162 saylı orta məktəbin 8-ci sinif şagirdi Elina Hacıyevanın intiharı məsələsində də çox hallanmışdı.

Hadisə yerinə gələn icra başçısının birinci müavini özünə qəsd edən şagirdi istər məktəbdə, istərsə də sonradan xəstəxanada sorğu-suala tutmuşdu.

Məktəbin direktoru hadisədən sonra təcili yardım əvəzinə Xalidə Bayramovanı çağırmışdı.

Sonradan ekspertiza rəy vermişdi ki, məktəblinin hadisədən dərhal sonra xəstəxanaya aparılmaması, bu prosesin yubanması onun durumunun daha da pisləşməsinə səbəb olub.

Xalidə Bayramova bu məsələ ilə əlaqədar istər istintaqda, istərsə də məhkəmədə dindirilmişdi.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/6gb3ho

Ən çox baxılan