Mənbə: Meydan TV

Vəkili Yunis Səfərovla görüşə buraxılmadığını deyir

“Vəkil onunla görüşmədən, vəziyyəti bilmədən necə müdafiə etsin?”

Gəncənin keçmiş icra başçısı Elmar Vəliyev və onu mühafizə edən polis əməkdaşı Qasım Aşpazova qarşı sui-qəsddə ittiham olunan Yunis Səfərovun yeni vəkili Bəxtiyar Hacıyev onunla görüşmək üçün yanvarın 17-də Bakı İstintaq Təcridxanasına gedib. Lakin vəkili onunla görüşə buraxmayıblar. Bu barədə Meydan TV-yə Y.Səfərovun ailə üzvləri məlumat verib:

“Vəkilin əlində Yunisin hüquqlarını müdafiə etməsini sübut edən order var. Gəncə Ağır Cinayətlər Məhkəməsi də onu Yunisin vəkili kimi təsdiqləyib. Bu barədə mediada da çoxsaylı materiallar yayılıb. Amma yenə də Bakı İstintaq Təcridxanasında görüşməyə imkan verilməyib. Vəkil onunla görüşmədən, vəziyyəti bilmədən necə müdafiə etsin?”

Penitensiar Xidmət isə bildirilib ki, vəkillərin penitensiar müəssisələrdə saxlanılan şəxslərlə görüşünə heç bir problem yaradılmır.

On gün əvvəl Y.Səfərovun məhkəməsi başlayıb. O, Hamlet Abdullayev, Firudin Zeynalov, Cəfər Zalov, Mahir Əzizov və digər şəxslərlə birlikdə mühakimə olunur. Təqsirləndirilən şəxslərə qarşı 33 maddə ilə ittiham irəli sürülüb. Bu maddələrdə uzunmüddətli cəzalar, hətta ömürlük həbs də var.

Y.Səfərov məhkəmədə deyib ki, hüquqları pozulur, il yarımdır ki, görüş, telefon danışığı hüququ məhdudlaşdırılır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/9s73cc

Ən çox baxılan