Mənbə: Meydan Tv

Valideyn: Naxçıvanda 150 tələbə bir zalda saxlanılır, analiz götürülmür

Narazı tələbələrin polis tərəfindən hədələndiyi deyilir

Türkiyədən Naxçıvana gətirilmiş tələbələr saxlanma şəraitindən narazılıq edirlər.

Tələbələrin Meydan TV-yə verdiyi məlumata görə, Türkiyədən gələn 150 nəfər Duzdağı sanatoriyasında və Fövqəladə Hallar Nazirliyinin kazarmasında eyni zala yerləşdirilib. Sanatoriyanın işığı və istiliyi yoxdur.

“Heç kimdən analiz götürülməyib. Maskadan başqa heç nə ilə təmin olunmamışıq. Günorta və axşam dönər verilir. Narazılıq edən tələbələrdən ikisini polis aparıb, xəbərdarlıq edib”, - sanatoriyada saxlanılan tələbə deyib.

Meydan TV-nin əldə etdiyi başqa bir məlumata görə, narazı tələbələr martın 25-də gecə saatlarında kazarmada əsgərlər tərəfindən döyülüblər. Mənbə döyülmədən xəbərsiz olduğunu, ancaq tələbələrə hədə-qorxu gəldiklərini bildirir.

Tələbələrdən birinin atası isə Meydan TV-yə deyib ki, oğlu ilə əlaqə yaratmağa imkan verilmir:

“Oğlum Duzdağı sanatoriyasında saxlanılır. Tələbə yoldaşları da yanındadır. Telefonları bağlıdır, internet yoxdur. Yalnız bir dəfə danışıb öyrəndik ki, hamısını bir yerdə saxlayıblar. Heç bir analiz götürülməyib, sadəcə avtobusa mindirəndə qızdırmaları ölçülüb. Belə fikirləşirəm ki, orada heç analiz götürməyə yer də yoxdur. Hər yerə müraciət etmişik. İki gündür aldadır, deyirlər, təyyarə göndərəcəklər, amma göndərilmir. Nə oldu, AZAL-ın Naxçıvana göndərməyə təyyarəsi yoxdur?”

Meydan TV dəfələrlə əlaqə saxlasa da, Nazirlər Kabineti yanında Operativ Qərargahdan məsələyə münasibət öyrənə bilməyib.

Tələbələrin qaldıqları yer

Tələbələrin qaldıqları yer

Mənbə: Meydan Tv

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/n9uoa6

Ən çox baxılan