Üzeyir Hacıbəylinin ev-muzeyi

Mənbə: https://iticket.az/az/

Başlıq: Üzeyir Hacıbəylinin ev-muzeyi

Üzeyir Hacıbəylinin ev-muzeyi fəaliyyətini bərpa edib

"Hələ muzeyə gələn az olur”

Azərbaycanlı bəstəkar Üzeyir Hacıbəylinin Bakıda yerləşən ev-muzeyinin fəaliyyəti yenidən bərpa olunub.

Muzeydən Meydan TV-yə verilən məlumata görə, yanvarın 25-də etibarən muzey eksponatları ziyarətçilər üçün nümayişə açıqdır:

“Muzeydə ekspozisiyaların nümayişinə yanvarın 25-dən başlanılıb. Karantindən çıxdığımıza görə hələ muzeyə gələn az olur. Gün ərzində bir-iki nəfər ola, ya olmaya. Biletin qiyməti 2-3 manatdır. Şənbə-bazar günü işləmirik”.

Üzeyir Hacıbəylinin Bakıdakı еv-мuzeyi 1975-ci il, noyabrın 20-də açılıb. Muzey Şamil Əzizbəyov küçəsi (keçmiş Verxnaya Priutskaya, sonralar Кetsxoveli) еv 67-də yerləşir. Bəstəkar bu evdə 1915-1942-ci illər ərzində yaşayıb.

Muzeydə bəstəkarın zəngin həyat və yaradıcılığını əks etdirən materiallar və şəxsi əşyalar, əlyazmalar, qədim kitablar qorunur. Burada həmçinin Azərbaycanın görkəmli rəssamlarının və heykəltaraşlarının əsərlərindən ibarət nümunələr, xalçalar, milli musiqi alətləri və müxtəlif qiymətli hədiyyələr nümayiş olunur.

Muzeydə bəstəkarın yaradıcılığından əlavə onun məişətini əks etdirən ekspozisiyalar da var. Bu eksponatların bir çoxu 1992-ci il Birinci Qarabağ Müharibəsi zamanı bəstəkarın Şuşadakı ev- muzeyindən çıxarılaraq, Bakıya gətirilib. Mədəniyyət Nazirliyinin məlumatına görə, Üzeyir bəyin xatirəsini yaşadan dəyərli eksponatlar ev-muzeyinin bərpasındansonra Şuşaya aparılacaq (Üzeyir Hacıbəylinin şəxsi əşyaları Şuşadakı ev-muzeyinə qaytarılacaq - Meydan.TV).

Bakıdakı muzeydə şəxsi əşyaların Şuşadakı ev-muzeyinə geri qaytarılması ilə bağlı dəqiq məlumatın olmadığı bildirilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/72u7de

Ən çox baxılan