Mənbə: Meydan TV

“Uşaqların dinə cəlb edilməsi qanunla təsbit olunmuş hüquqdur”

“Uşaqların dinə cəlb edilməsi qanunla təsbit olunmuş hüquqdur”

Mayın 4-də Milli Məclis “Dini etiqad azadlığı haqqında” qanuna dəyişiklik edib. Uşaqların dini etiqada məcbur edilməsini qadağan edən dəyişikliyə əsasən, uşaqların dini tərbiyəsi onların fiziki və psixi sağlamlığına təsir göstərməməlidir.

İlahiyyatçı Elçin Qasımov deyir ki, verilən qərar təzadlıdır və xalqın iradəsini əks etdirmir.

Milli Məcisdən fərqli olaraq ilahiyyatçı hesab edir ki, dini tərbiyə uşaqların fiziki və psixi sağlamlığına təsir göstərmir.

Hüquqşünas Sübhan Həsənli sözügedən dəyişikliyin uşaqların təhsil məsələsinə və tərbiyəsinə ciddi problem yaratmayacağını düşünür.

Sübhan Həsənli deyir ki, yetkinlik yaşına çatan insanlarla bağlı hər hansı bir qadağadan söhbət gedə bilməz, lakin uşaqlarla bağlı dövlətin müəyyən öhdəlikləri yaranır.

ABŞ-ın Beynəlxalq Din Azadlığı Komissiyası bu ilin martında Azərbaycan hökumətinə çağırışında bəyan edib ki, Azərbaycan “Dini etiqad azadlığı haqqında” qanunu beynəlxalq standartlara uyğunlaşdırmalıdır. Qurum hesab edir ki, sözügedən qanun ölkədə ciddi şəkildə məhdudlaşdırılıb.

Ölkə başçısı İlham Əliyev çıxışlarında bildirir ki, Azərbaycanda dini etiqad azadlığı tam şəkildə təmin edilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/x5zk1z

Ən çox baxılan