Türkiyə Xarici İşlər Nazirliyi

Mənbə: Foto: arxiv

Başlıq: Türkiyə Xarici İşlər Nazirliyi

Türkiyə XİN: Qətnamə Türkiyə-ABŞ münasibətlərinə zərbədir

Məqalə yeniləndi:  13 Dekabr 2019

Səfir: Senatın qətnaməsini nəzərə almalıyıq

“ABŞ Senatının “erməni soyqırımının” tanınması barədə qətnamənin hüquqi əsası yoxdur və sənəd Türkiyə-ABŞ münasibətlərinin inkişafına vurulan zərbədir”.

Bu barədə Türkiyə Xarici İşlər Nazirliyinin bəyanatında deyilir.

ABŞ Senatı qətnaməni dekabrın 12-də yekdilliklə qəbul edib. Sənəd bundan əvvəl Nümayəndələr Palatasında qəbul edilmişdi.

Türkiyə XİN-in bəyanatında deyilir ki, tarixi öz siyasi məqsədləri üçün istifadə edənlər istəklərinə nail ola bilməyəcəklər.

“Türkiyə regionda öz maraqlarını bundan sonra da müdafiə edəcək”, - Türkiyə XİN-in bəyanatında deyilir.

Azadlıq Radiosunun məlumatına görə, qətnaməni səsverməyə demokrat Bob Menendez və respublikaçı Ted Kruz çıxarıblar.

“Beləliklə, Birləşmiş Ştatların tarixində “erməni soyqırımı” ilk dəfə olaraq dövlət səviyyəsində tanınıb. Əvvəllər buna bənzər qətnamələr ayrı-ayrı ştatlarda qəbul olunmuşdu. Bir sıra təhlilçilərin fikrincə sənədin məhz indi qəbul olunması Vaşinqton və Ankara arasında münasibətlərin gərginliyinə görə mümkün olub. NATO üzvü olan Türkiyə qətliam və deportasiyanın olması faktını qəbul etsə də, rəqəmlərin qat-qat şişirdildiyini bildirir. Ankara deyir ki, erməni ölümləri sistemli siyasətin yox, bölgədəki hərbi əməliyyatların nəticəsində baş verib”, - radionun xəbərində deyilir.

Örl Litzenberqer

Örl Litzenberqer

Mənbə: Foto: arxiv

ABŞ-ın Azərbaycandakı səfiri Örl Litzenberqer qətnamənin Administrasiyanın mövqeyini əks etdirmədiyini deyib. Bununla belə APA-nın xəbərinə görə, səfir jurnalistlərə açıqlamasında bildirib ki, Senat öz fikirlərini tam, dəqiq şəkildə ifadə edib və bu, o deməkdir ki, artıq biz bunu nəzərə almalıyıq.

“ABŞ-la Türkiyə NATO çərçivəsində müttəfiqdirlər. Biz dost və əməkdaşıq. Bu əməkdaşlığı davam etdirəcəyik”, - deyə ABŞ səfiri qeyd edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  13 Dekabr 2019
Bölmələr:  
qısa linklər:   http://mtv.re/uzyer7

Ən çox baxılan