Tofiq Yaqublu (solda)

Mənbə: Foto: Meydan tv

Başlıq: Tofiq Yaqublu (solda)

Tofiq Yaqubluya həbs qərarı çıxarılıb

Nigar Həzi: “Atamın səhhətindən və hansı şəraitdə saxlanılmasından məlumatsızıq”

Milli Şuranın və Müsavat Partiyasının üzvü Tofiq Yaqublu Nəsimi Rayon Məhkəməsinin qərarı ilə 30 sutka inzibati cəza alıb.

Bu barədə Meydan TV-yə Tofiq Yaqublunun qızı Nigar Həzi məlumat verib.

Nigar Həzi bildirib ki, Tofiq Yaqublu barədə əlavə xəbər ala bilməyiblər:

“Atamın Binəqədi Müvəqqəti Saxlanılma Təcridxanasında olduğunu bilirik, amma səhhəti və hansı şəraitdə saxlanıldığından məlumatsızıq. Məhkəmənin İnzibati Xətalar Məcəlləsinin hansı maddəsinə istinad etməsindən də xəbərsizik”.

Demokratik Qüvvələrin Milli Şurası oktyabrın 19-da 28 may metrostansiyası qarşısında aksiya keçirib.

Bakı Şəhər Baş Polis İdarəsi aksiyada saxlanılan 60 nəfərdən 42-nin sərbəst buraxıldığı haqda məlumat yayıb.

AXCP sədrinin müavini Vahid Məhərrəmli Meydan TV-yə bildirib ki, yalnız Nəsimi Rayon Polis İdarəsində 70-dən çox saxlanılan vardı, onların əksəriyyəti AXCP üzvləri və digər partiyaların fəalları da az deyildi, o cümlədən, yoldan keçən təsadüfü adamlar da idarəyə gətirilmişdi.

Tofiq Yaqublu 1992-ci ildən Müsavat Partiyasının üzvüdür. Binəqədi rayon təşkilatının sədri, Müsavat Məclisinin katibi olub.

2013-cü ildə İsmayıllı hadisələrinə görə Cinayət Məcəlləsinin 220.1-ci (zorakılıqların, talanların, yanğınların törədilməsi, əmlakın məhv edilməsi ilə müşayiət olunan kütləvi iğtişaşları təşkil etmə və ya belə iğtişaşlarda iştirak etmə) və 315.2-ci (hakimiyyət nümayəndəsinə zor tətbiq etmə və ya müqavimət göstərmə) maddəsi ilə 5 il azadlıqdan məhrum olunub.

2016-cı ildə əfv fərmanı ilə azad edilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/bq3kgf

Ən çox baxılan