Siyavuş Novruzov

Mənbə: Foto: arxiv

Başlıq: Siyavuş Novruzov

Siyavuş Novruzov: Avropa Məhkəməsinin cərimələrini hakimlər ödəməlidir

“Vətəndaşın verdiyi vergini niyə bu işlərə cəlb etməliyik?!”

“Avropa Məhkəməsinin Azərbaycan əleyhinə çıxardığı qərarlara əsasən təyin edilən cəriməni həmin işlə bağlı Azərbaycan məhkəmələrində prosedur qaydalarını pozmaqla qərar çıxarmış hakim ödəməlidir”.

Milli Məclisin növbədənkənar sessiyasının iyunun 5-də keçirilən plenar iclasında “Məhkəmə-Hüquq Şurası haqqında” qanuna dəyişikliyin müzakirəsi zamanı deputat Siyavuş Novruzov belə deyib.

O bildirib ki, Avropa Məhkəməsinin cərimələri dövlət büdcəsindən ödənməmlidir:

"Hakimin prosedur qaydanı pozmasına görə Avropa Məhkəməsi qərar çıxarır, nəticədə Azərbaycan dövləti başqalarına pul verməli olur. Vətəndaşın verdiyi vergini niyə bu işlərə cəlb etməliyik?! Bu cür məsələlərdə ödənilməli olan məbləğ həmin hakim tərəfindən ödənilməlidir”.

Komitə sədri vurğulayıb ki, hakimlərin çıxardığı qərarların monitorinqinin həyata keçirilməsi olduqca vacibdir:

“Əgər bir hakim prosedur qaydanı düzgün yerinə yetirmirsə, yaxud qəbul etdiyi qərar vətəndaşı narazı salırsa, onun məsuliyyətə cəlb edilməsi vacibdir. Yəni prosedur qaydalarını pozan hakimlərə qarşı mərhələli şəkildə cəza tədbirləri tətbiq etməliyik. Hakimlər öz fəaliyyətində bunu nəzərə almalıdır. Çünki məhkəmə, hakim dövlətin adından qərar qəbul edir”.

“Məhkəmə-Hüquq Şurası haqqında” qanuna dəyişiklik layihəsinə əsasən, hakimin (ilk dəfə hakim təyin edilmiş şəxslər istisna olmaqla) fəaliyyətində məhkəmələrin fəaliyyətinin monitorinqi nəticəsində maddi və prosessual hüquq normalarının tətbiqində sistemli xarakter daşıyan nöqsanlar aşkar edildikdə, onun fəaliyyəti Məhkəmə-Hüquq Şurası tərəfindən müəyyən olunmuş vaxtda təkrarən, lakin 6 aydan tez və 2 ildən gec olmamaqla qiymətləndiriləcək.

Təkrar qiymətləndirmə zamanı hakimin fəaliyyətində yenidən peşəkar çatışmazlıqlar aşkar edildikdə, onun səlahiyyətlərinə vaxtından əvvəl xitam veriləcək.

Müzakirələrdən sonra layihə səsə qoyularaq qəbul edilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/d7emlr

Ən çox baxılan