Şimali Koreya

Mənbə: arxiv

Başlıq: Şimali Koreya

Şimali Koreya pandemiyanın qarşısını almaq üçün Cənubi Koreyanın vətəndaşını yandırıb

Cənubi Koreyanın Prezidenti Moon Jae baş verənləri “şokedici” və “bağışlanmaz” adlandırıb

Şimali Koreya qoşunları bu həftənin əvvəlində itkin düşən Cənubi Koreya rəsmisinin cəsədini koronavirus pandemiyasının qarşısını almaq üçün yandırıb, - Cənubi Koreya hərbi qüvvələri cümə axşamı bildirib.

“Reuters” xəbər verir ki, cənubi koreyalı bazar ertəsi günü iki ölkə arasında faktiki dəniz sərhədi olan Şimal Limit Xəttinin (NLL) təqribən 10 km cənubundakı balıqçılıq gəmisindən itkin düşüb və Şimala doğru qaçmağa çalışıb.

“47 yaşlı məmurun niyə vurulduğu məlum deyil, lakin Şimali Koreya qoşunlarının koronavirus əleyhinə əmrlər altında hərəkət etdikləri bilinir”, - Cənubi Koreya hərbi qüvvələri əlavə edib.

Prezidentin Göy Ev milli təhlükəsizlik bürosu qətli “insanlığa qarşı cinayət” adlandırıb və Şimali Koreyanı üzr istəməyə və gələcəkdə oxşar hadisələrin təkrarlanmaması üçün tədbirlər görməyə dəvət edib.

Kəşfiyyat mənbələrinə istinad edən hərbçilər naməlum şəxsin “yuxarı orqanların əmri” ilə edam edilmədən əvvəl dənizdə, NLL-nin şimalında və itkin düşdüyü yerdən təqribən 38 km məsafədə sorğu-sual edildiyini deyib. Qaz maskalarında olan şəxslər öldürdükdən sonra cəsədi yandırıblar.

Cənubi Koreyanın Prezidenti Moon Jae Şimalın Cənubi Koreyalı mülki vətəndaşa atəş açmasını “şokedici” və “bağışlanmaz” adlandırıb.

Moon Cənubi Koreya ordusuna da vətəndaşların həyatını qorumaq üçün tədbirləri gücləndirməyi əmr edib.

Hərbçilər çərşənbə günü quru sərhəd vasitəsilə Şimala məktub göndərərək izahat tələb etdiklərini deyiblər. “Reuters” Şimaldan cavab alınmadığını bildirib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/3ha1om

Ən çox baxılan