Xurşidbanu Natəvanın məzarı

Mənbə: Rza Diqqəti

Başlıq: Xurşidbanu Natəvanın məzarı

Rza Diqqəti: Ağdamdan Xurşidbanu Natəvanın sümüklərini də aparıblar

“Çox güman ki, Xurşidbanu Natəvanın çəkdirdiyi su kəmərindən su içənlərdir”

Ağdam şəhərindəki Qarabağ xanı ailəsinin məzarları olan məqbərə-kompleksi İmarət Qərvənd qəbristanlığı tamamilə dağıdılıb.

Fransada yaşayan Rza Diqqəti İkinci Qarabağ Müharibəsindən sonra əraziyə səfər edən zaman məzarlığa baş çəkərək, “İnstagram” bloqunda fotolar və video paylaşıb.

Fotoqraf klassik Azərbaycan şairi Xurşidbanu Natəvanın uçurdulmuş məzar məqbərəsinin görüntülərini yayımlayıb. O, bildirib ki, bu kompleksdə ilk dəfə Birinci Qarabağ Müharibəsindən öncə olub:

Xurşidbanu Natəvanın məzarı

Xurşidbanu Natəvanın məzarı

Mənbə: Rza Diqqəti

“1992-ci ildə şəhər işğal olunmamışdan əvvəl bu mədəniyyət mərkəzini ziyarət etdim. Natəvanın məzar daşındakı memarlığa, heykəlin gözəlliyinə heyran qaldım. Ağdam azad edildikdən sonra noyabrın 20-də yenə bura gəldim və gördüyüm mənzərə dəhşətli idi. Öyrəndim ki, onun məzarını məqsədli olaraq dağıdıb, qarət ediblər. Hətta sümüklərini də aparıblar. Bunu edənlər, çox güman ki, Xurşidbanu Natəvanın çəkdirdiyi su kəmərindən su içənlərdir”.

XVIII - XIX əsr Qarabağ xanı ailəsinin məzarları olan məqbərə-kompleksində Pənahəli xan (1763), İbrahimxəlil xan (1806), Mehdiqulu xan Cavanşir (1845), Cəfərqulu xan Nəva (1867), Gövhər ağa (1888), Xurşidbanu Natəvan (1897), Xanbikə xanım (1921) dəfn olunub.

Mədəniyyət Nazirliyinin mətbuat xidmətindən Meydan TV-yə bildirilib ki, qurum bununla bağlı lazımi addımları atacaq:

“Hələ ki, rəhbərlik səviyyəsində danışıqlar aparılır. Yaxın vaxtlarda verilən qərarla bağlı mətbuatda açıqlama yayımlanacaq”.

Xurşidbanu Natəvanın

Xurşidbanu Natəvanın

Mənbə: Rza Diqqəti

məzar

məzar

Mənbə: Rza Diqqəti

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/f42nvu

Ən çox baxılan