rüşvətə görə həbs

Mənbə: Foto: arxiv

Başlıq: rüşvətə görə həbs

Rüşvət alan vergi işçiləri həbs edilib

Səbəb vətəndaşa məxsus çörək sexindən 6000 manat istəmələri olub

Dövlət Vergi Xidmətinin Bakı şəhəri Kiçik Sahibkarlıqla İş Baş İdarəsinin Operativ Vergi Nəzarəti İdarəsinin əməkdaşları Azər Allahverdiyev və Cahid Tahirov həbs edilib. Səbəb vətəndaşa məxsus çörək sexindən 6000 manat istəmələri olub. Qarşılığında sexdə il ərzində vergi yoxlaması keçirməyəcəklərini vəd ediblər.

Baş Prokurorluq və İqtisadiyyat Nazirliyinin mətbuat xidmətlərinin birgə yaydığı məlumatda belə deyilir.

Bildirilir ki, onlara özlərini Vergilər Nazirliyinin əməkdaşları kimi təqdim edən şəxslərin qanunsuz əməlləri barədə məlumat daxil olub. İqtisadiyyat Nazirliyi yanında Dövlət Vergi Xidməti və Baş Prokuror yanında Korrupsiyaya qarşı Mübarizə Baş İdarəsinin birgə apardığı araşdırmalar nəticəsində bu işi görənlərin Azər Allahverdiyev və Cahid Tahirov olduqları məlum olub. Onlar həmin məbləğin bir qismini mayın 4-də rüşvət kimi alarkən cinayət başında yaxalanıblar.

“Faktla bağlı Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 311.3-cü (rüşvət alma) maddəsi ilə cinayət işi başlanıb. Həmin cinayət əməlinin A.Allahverdiyev və C.Tahirov tərəfindən törədilməsinə şübhələr üçün əsaslar müəyyən edildiyindən onlar şübhəli şəxs qismində tutularaq istintaqa cəlb olunublar”.

Hazırda cinayət işi üzrə bütün halların tam və hərtərəfli araşdırılması üçün zəruri istintaq-əməliyyat tədbirləri davam etdirilir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/vczakq

Ən çox baxılan