Olimpiada qalibləri Danis Spitsov və Aleksandr Bolşunov

Mənbə: https://www.currenttime.tv/

Başlıq: Olimpiada qalibləri Danis Spitsov və Aleksandr Bolşunov

Rusiya 4 il olimpiada və böyük yarışlardan kənarlaşdırılıb

Məqalə yeniləndi:  9 Dekabr 2019

Dopinq qalmaqalı yeni vüsət alıb

Ümumdünya antidopinq agentliyinin (WADA) İcraiyyə Komitəsi dekabrın 9-da Rusiyanın dörd il müddətinə bütün olimpiada və böyük idman yarışlarından kənarlaşdırılmasını tövsiyə edib.

Məlumatı “Nastoyaşeye vremya” nəşri paylaşıb.

WADA mətbuat xidmətinin məlumatına görə, yarışlar siyahısına dünya çempionatları, o cümlədən futbol və hokkey çempionatları daxildir.

Bununla yanaşı Rusiya dörd il ərzində beynəlxalq yarışların təşkili üçün müraciət edə bilməz.

Məlumatda bildirilir ki, qərar yekdilliklə qəbul edilib.

Qərara əsasən, Rusiyadan olan idmançılar ardıcıl olaraq iki Olimpiada zamanı (qış və yay) neytral geyimdə çıxış etməlidirlər. Hər hansı bir yarış növündə qalib gəldikdə isə, medal təqdim olunan zaman ölkənin bayrağı qaldırılmayacaq, himni səsləndirilməyəcək. Bundan başqa yarışlara Rusiyanın rəsmi şəxsləri buraxılmayacaqlar.

“Nastoyaşeye vremya” nəşri təxmin edir ki, bununla belə, Beynəlxalq Olimpiya Komitəsi WADA-nın tövsiyəsini nəzərə almaya və Rusiyanı Olimpiadaya buraxa bilər.

Eyni qərarı FİFA və UEFA da verə bilər.

WADA-nın qərarına səbəb 2014-cü ildə Soçi Qış Olimpiadası zamanı Rusiya idmançılarının dopinq qalmaqalıdır. Belə ki, təşkilat Rusiya hakimiyyətini kütləvi olaraq antidopinq qanunlarının pozulmasında ittiham edib.

WADA 2016-cı ildə bununla bağlı hesabat hazırlayıb. Hesabatda Rusiyadan olan idmançıların kütləvi şəkildə dopinq qəbul etmələri və Rusiyadan olan yüksək çinli məmurların isə bunu ört-basdır etmələri göstərilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  9 Dekabr 2019
Bölmələr:  
qısa linklər:   http://mtv.re/ji6c1p

Ən çox baxılan