Polis müxalifətçiyə məxsus binada axtarış aparıb
Rusiyalı müxalifçi Aleksey Navalnıy Moskvada ona aid olan Anti-korrupsiya Fondunun (FBK) binasında axtarış aparan polis əməkdaşları tərəfindən ofisindən qovulub,- RFE/RL xəbər verir.
“Ən son məlumat: heç kim saxlanılmayıb. Sadəcə məni ofisdən çıxarıblar”,- deyə Navalnıy dekabrın 26-da sözçüsünün, Kremlinin tənqidçisinin zorla tutulduğunu və hadisə yerindən uzaqlaşdırıldığını söylədikdən az sonra “Twitter” hesabında bildirib.
Navalnıy polis əməkdaşlarının ofisə girdiyi anları “Twitter”-də canlı yayımlayıb.
Kremlinin tənqidçisinin polis nəzarətinə alınma səbəbi bəlli deyil.
Dekabrın 23-də FBK-in layihə rəhbəri məcburi hərbi xidmətə göndərilib.
23 yaşlı Ruslan Şaveddinov Moskvada mənzilində tutulub və nəticədə Şimal Buzlu okeanda mövcud olan uzaq hava hücumundan müdafiə bazasında xidmət etmək üçün Novaya Zemlyaya göndərilib, – Navalnıy dekabrın 24-də məlumat əldə edib.
Prezident Vladimir Putinin hakimiyyətini tənqid edən Navalnıy Kremlinin rəhbərini qrupun layihə rəhbərini FBK-dan uzaqlaşdırmaqda günahlandırıb.
Rusiyada əksər kişi vətəndaşlar üçün hərbi xidmət məcburidir. Belə ki, onlar 18 yaşına çatdıqdan sonra 28 yaşa qədər bir il müddətinə hərbi xidmətə getməlidirlər.
Yeni çağırışçılar tez-tez daha yaşlı əsgərlər tərəfindən vəhşicəsinə təhqir edilirlər və bu səbəbdən bir çox gənc əsgər namizəd bu tip məcburi hərbi xidmətdən yayınmağa çalışır.
Dekabrın 24-də Moskva məhkəməsi FBK vəkili Lyubov Sobolu ictimai tədbirlərin təşkili qaydalarını iki dəfə pozduğuna görə 16 min ABŞ dolları həcmində cərimə edib.
Son cəza 10 və 31 avqust tarixlərində Sobolun rəhbərlik etdiyi azad bələdiyyə seçkilərinin keçirilməsi ilə bağlı müxalifət mitinqlərinə görə tətbiq edilib.
Müxalifətin mitinqi avqustun 10-da yerli hakimiyyət orqanlarının icazəsi ilə keçirilib. Mitinq Sobolun iştirakı olmadan keçirilib, çünki həmin gün FBK-nın ofislərində axtarış aparılıb.
RFE/RL-in məlumatına görə, Navalnıy yazıb ki, FBK-da axtarış Baş nazir Dmitry Medvedyev barədə 2017-ci ilin yazında çıxmış “O, sizin üçün Dimon deyil” filmi ilə bağlıdır.
Filmdə iddia olunurdu ki, bir neçə xeyriyyə təşkilatı Rusiyanın zəngin biznesmenlərindən pul alır və onları Medvedyevin maraqlarına uyğun daşınmaz əmlaka xərcləyir. Baş nazirin mətbuat xidməti isə hansısa əmlaka bağlılığını rədd edib, Medvedyevi dostlarının sözügedən imarətə dəvət etdiyini deyib. Ancaq həmin filmdən sonra Rusiyada korrupsiyaya qarşı “O, bizim üçün Dimon deyil” deviziylə mitinqlər keçirilib, – radio bildirir.
