Əsgər Ramil Kamal oğlu Bilalov

Mənbə: Facebook

Başlıq: Əsgər Ramil Kamal oğlu Bilalov

Rəsmi: “Əsgər özü-özünü vurub”

Xaçmaz rayonundan hərbi xidmətə çağırılmış Dövlət Sərhəd Xidmətinin əsgəri Ramil Kamal oğlu Bilalov həlak olub. Bu barədə məlumatı əsgərin yaxınları paylaşıb. Onun mayın 10-a keçən gecə Qazax rayonunda yerləşən N saylı hərbi hissədə həyatını itirdiyi bildirilir.

Əsgər mayın 11-də Xaçmaz rayonunun Yeni Həyat qəsəbəsində torpağa tapşırılıb.

Məlumatı “Ahiska Türkləri Vətən” İctimai Birliyinin sədri İsmayıl Rəhimov da öz “Facebook” hesabında paylaşıb:

“Xaçmaz rayonunun Yeni Həyat (Revaluciya) qəsəbəsində yaşayan Ahıska türkü Bilalov Ramil Kamal oğlu dünən gecə Vətən görəvini yerinə yetirərkən şəhid olmuşdur, Allahdan şəhidimizə rəhmət, yaxınlarına səbr diləyirəm”.

Səfərbərlik və Hərbi Xidmətə Çağırış üzrə Dövlət Xidmətinin Xaçmaz Rayon Şöbəsindən isə Meydan TV-yə əsgərin intihar etdiyini deyiblər:

“Hazırda istintaq gedir, bəlli deyil. Öz-özünü vurduğunu deyirlər”.

Dövlət Sərhəd Xidməti bu barədə açıqlama verməyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/nkeqap

Ən çox baxılan