Nihad Qasımzadə

Mənbə: Foto: Meydan TV

Başlıq: Nihad Qasımzadə

Rejissor deputatlığa namizədliyini verib

Məqalə yeniləndi:  16 Dekabr 2019

“ƏSA” Teatrının yaradıcısı parlament seçkilərində iştirak edəcək

“ƏSA” Teatrının yaradıcısı və rəhbəri, rejissor Nihad Qulamzadə ölkədə keçiriləcək növbədənkənar parlament seçkilərində iştirak edəcək.

“Artıq deputatlığa namizədliyimin təsdiqi üçün imzatoplama kampaniyasına başlamışıq. Bu kampaniyada birbaşa özüm iştirak edərək, Yasamal rayonunun sakinləri ilə görüşüb, həmsöhbət oldum. Sakinlərin gəncliyə qarşı etimadı və rəğbəti məni sevindirdi”, - Nihad Qasımzadə “Facebook” profilində yazıb:

“Bundan sonrakı prosesdə də seçicilərlə şəxsən ünsiyyətdə olacağam. Var gücümlə çalışacağam ki, namizədliyimi irəli sürdüyüm ərazinin bütün seçicilərilə görüşüm və problemləriylə maraqlanım. Hətta qapı-qapı onları axtarmalı olsam belə”.

Nihad Qulamzadə 15 saylı Yasamal birinci seçki dairəsindən bitərəf olaraq namizədliyini irəli sürüb.

“ƏSA” - 2016-cı ildə fiziki məhdudiyyəti olan aktyorlardan ibarət yaradılmış ilk teatrdır.

Bu il dekabrın əvvəlində ölkə başçısının sərəncamı ilə beşinci çağırış Milli Məclisi buraxılıb.

Növbəti parlament seçkiləri 2020 ci il fevralın 9-na təyin edilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  16 Dekabr 2019
Bölmələr:  
qısa linklər:   http://mtv.re/zgq8fm

Ən çox baxılan