Mənbə: Meydan Tv

Razi Nurullayev: Azərbaycanda işçilər qul kimi işlədilir

Məqalə yeniləndi:  23 Fevral 2021

Deputat bəzi işəgötürənləri tənqid etdi

“İşçilər əmək müqaviləsində nəzərdə tutulandan daha çox işlədilir”.

Milli Məclisin iclasında deputat Razi Nurullayev belə deyib.

O qeyd edib ki, xarici şirkətlərdə artıq iş vaxtı ilə bağlı əlavə ödəniş sistemi tətbiq edilsə də, bizim müəssisələrdə işçilər qul kimi işlədilir. “Fəhləyə yemək də verilmir. İşçilərin əməyinin mühafizəsinə və təminatına diqqət ayırmaq çox ciddi məsələdir”.

Spiker Sahibə Qafarova bildirib ki, işçilərin iş rejimi ilə bağlı hər yerdə vəziyyət eyni olmasa da, bu cür iş yerləri mövcuddur.

Deputat, Azərbaycan Həmkarlar Konfederasiyasının sədri Səttar Möhbalıyev isə deyib ki, işçini əmək müqaviləsi olmadan işə götürdüyünə görə xeyli işəgötürən cərimələnib. Onun sözlərinə görə, qeyri-formal məşğulluq Pensiya Fonduna və dövlət büdcəsinə ziyan vurur:

“Bizim vergi orqanları, aidiyyəti qurumlar insanların istismar edilməsinin qarşısını almalıdır. İnsanlar qanunvericilikdə nəzərdə tutulan qədər işləməlidir. Pandemiya dövründə gizli işləyən insanlar üzə çıxdı. Bəziləri məcbur olub işçilərlə müqavilə bağladılar. Onlar pandemiya dövründə dövlət tərəfindən verilən vəsaitdən istifadə edə bilmək üçün bunu etdilər”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  23 Fevral 2021
Bölmələr:  
qısa linklər:   http://mtv.re/ye4hsj

Ən çox baxılan