Qubad İbadoğlu

Mənbə: arxiv

Başlıq: Qubad İbadoğlu

Qubad İbadoğlu: Niyə elm, intellekt, korrupsiya və başqa sahələrdə Ermənistan Azərbaycandan irəlidə olmalıdır?

"Hesab edirəm ki, Azərbaycan olaraq bütün mövqelərdə onları qabaqlamalıyıq”

“Global Firepower 2020” hesabatına görə, Azərbaycan dünyanın 138 ən güclü ordusu sırasında 64-cü yerdədir.

Birinci yerdə Amerika, ikinci yerdə Rusiya üçüncü yerdə Çin ordusu gəlir.

İlk onluğa daxil olan ordulara gəlincə, 4-cü yerdə Hindistan, 5-ci yerdə Yaponiya, 6-cı yerdə Cənubi Koreya, 7-ci yerdə Fransa, 8-ci yerdə İngiltərə, 9-cu yerdə Misir və 10-cu yerdə Braziliya ordusu qərarlaşıb.

Cənubi Qafqazda Azərbaycan ordusu ən güclü hesab edilir: 64-cü yerdədir. Gürcüstan ordusu 89, Ermənistan isə 111-ci yerdə qərarlaşıb.

Qonşu ölkələrdən Türkiyə 11, İran 14, Türkmənistan 77, Qazaxıstan 63-cü yerdədir.

Reytinqin sonuncu, 138-ci yerində isə Butan Krallığı qərarlaşıb.

Demokratiya və Rifah Hərəkatının sədri, iqtisadçı Qubad İbadoğlu deyir ki, bəli, Azərbaycan ordusu Cənubi Qafqazda ən güclüdür.

Müharibə apardığı Ermənistan odusunu 47 pillə geridə qoyub. Ancaq tam qələbə üçün gərək təkcə ordu ilə bağlı reytinqdə yox, digər əhəmiyyətli hesabatlarda da ön sıralarda ola: “Tam və qəti qələbə qazanmaq üçün bu, vacibdir. Məsələn, korrupsiya indeksində Ermənistan 198 ölkə arasında 77-ci, Azərbaycan isə 126-cı yerdədir. İqtisadi azadlıq indeksinə görə dünyanın 180 ölkəsi arasında Ermənistan 34-cü, Azərbaycan 44-cü yerdədir. Bu, hansı səbəbə görə baş verir? Əgər hərtərəfli qalib olmaq istəyiriksə bunları nəzərə almalıyıq”.

Qubad İbadoğlu deyir ki, İQ (intelligence quotient-intellekt səviyyəsi) indeksinə görə, Ermənistan 94, Azərbaycan 87 bala malikdir.

Yaxud elmi məqalələrə istinadların sayına görə Ermənistan dünyada 89-cu, Azərbaycan isə 94-cü yerdədir.

İqtisadçı düşünür ki, bunları da sorğulamaq, nəzərə almaq vacibdir: “Və yaxud nəyə görə 15-24 yaşlı gənclərin Ermənistanda 47 faizinin, Azərbaycanda isə 13 faizinin bankda hesabı vardı? Nümunələri artırmaq olar, amma burada saxlayıram. Siyasi söhbətlər aparıb məsələni qəlizləşdirmək istəmirəm. Baxmayaraq ki, bu nəticələrin əldə olunmasında demokratiya, insan haqları, azadlıqlar üzrə indekslər də əhəmiyyətli rol oynayır”.

İqtisadçı soruşur ki, niyə elm, intellekt, təhsil, iqtisadi azadlıq, korrupsiya və bəzi başqa sahələrdə Ermənistan Azərbaycandan irəlidə olmalıdır?

“Onların nəyi bizdən artıqdır və yaxud bizim nəyimiz onlardan əskikdir. Təbii ki, bizim də onlardan irəli çıxdığımız sahələr var. Amma mən hesab edirəm ki, Azərbaycan olaraq bütün mövqelərdə onları qabaqlamalıyıq”, - deyə o bildirir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/urzs3g

Ən çox baxılan