Mənbə: google

Qaşıqçının məhkəməsində 20 Səudiyyə rəsmisi qiyabi mühakimə edilib

Hüquq müdafiəçiləri ümid edirlər ki, İstanbul məhkəməsi Ər-Riyada qarşı sanksiyaları gücləndirəcək

Türkiyə məhkəməsi beynəlxalq həyəcan doğuran və Səudiyyə Ərəbistanının imicinə xələl gətirən jurnalist Camal Qaşıqçının vəhşicəsinə öldürülməsinə görə 20 Səudiyyə rəsmisini qiyabi mühakimə edib, - “Reuters” xəbər verir.

Qaşıqçı 2018-ci ilin oktyabrında evliliyindən ötrü sənəd toplamaq üçün getdiyi Səudiyyə Ərəbistanının İstanbuldakı konsulluğunda öldürülüb. Bəzi Qərb hökumətləri, həmçinin CIA qətlin sifarişçisinin Səudiyyə şahzadəsi Məhəmməd bin Salmanın olduğu qənaətindədir. Səudiyyə səlahiyyətliləri bu ittihamı rədd edirlər.

“Qaşıqçının nişanlısı Hatice Cengiz o konsulluqda doğranıb parçalanarkən binanın xaricində hadisədən xəbərsiz onu gözləyib”, - prokurorlar bildirib.

İttiham aktında Səudiyyə Ərəbistanının ümumi kəşfiyyat rəhbərinin keçmiş müavini Əhməd əl-Əsiri və keçmiş kral məhkəməsi müşaviri Səud əl-Qahtani “dəhşətli niyyət ilə qəsdən adam öldürmə” də ittiham olunur.

Dekabr ayında Səudiyyə Ərəbistanın məhkəməsi 5 nəfəri ölümə məhkum edib. Üç nəfər isə həbs edilib. Qaşıqçının ailəsi daha sonra qatilləri bağışladıqlarını bildirmişdilər. Cengiz bu qərara etiraz etmişdi.

Hüquq müdafiəçiləri ümid edirlər ki, İstanbul məhkəməsi işə yeni qığılcım qatacaq və Ər-Riyada qarşı sanksiyaları gücləndirəcək. Bu qərarla xaricə səyahət etdikləri təqdirdə şübhəlilər həbs edilə biləcəklər.

H.Cengiz bu həftə “Reuters”-ə verdiyi açıqlamada məhkəmənin ərinin öldürülməsi, xüsusən də cəsədinin necə parçalandığı ilə bağlı yeni sübutlar tapacağına ümid etdiyini deyib. Türk rəsmiləri qatillərin jurnalistin cəsədinin qalıqlarını yandırmağa çalışdıqlarını deyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/iedtel

Ən çox baxılan