Putinə 2036-cı ilə qədər hakimiyyətdə qalmaq hüququ verildi

“Putinin ən çox qorxduğu şey küçədir”,- Navalny deyib

Source: Telegraph


Bu o deməkdir ki, 67 yaşlı Putin 83 yaşına qədər ölkəni idarə edə biləcək

Rusiya konstitusiya dəyişikliklərinə səs verərək Vladimir Putinin 2036-cı ilə qədər hakimiyyətdə qalmasının qapısını açıblar, “Reuters” xəbər verir.

Tənqidçilər isə seçkilərin nəticələrinin böyük miqyasda saxtalaşdırıldığını deyirlər.

Cümə axşamı açıqlanan rəsmi nəticələr görə, bülletenlərin 100 faizi sayılıb.

Bu, Rusiyanı iyirmi ildən çox Prezident və ya Baş nazir olaraq idarə edən keçmiş KQB zabitinin asanlıqla daha 12 illik müddətə namizəd olmaq hüququ qazandığını göstərir, məqalədə qeyd edilir.

Putinin hazırkı səlahiyyət müddəti 2024-cü ildə bitir.

Bu o deməkdir ki, 67 yaşlı Putin 83 yaşına qədər ölkəni idarə edə biləcək, “Reuters” yazıb.

Mərkəzi Seçki Komissiyası bildirib ki, səslərin 77,9% -i konstitusiyanın dəyişdirilməsini dəstəkləyib. Yalnız 21,2% -i dəyişikliklərin əleyhinə səs verib

Komissiyanın rəhbəri Ella Pamfilova səsvermənin şəffaf keçdiyini və rəsmilərin onun bütövlüyünü təmin etmək üçün hər şeyi etdiyini bildirib.

Müxalif siyasətçi Aleksey Navalny fərqli fikrə sahibdir. O, səsverməni Putinin ömürlük prezidentliyini qanuniləşdirmək üçün hazırlanmış qanunsuz şou adlandırıb.

“Biz bu nəticəni heç vaxt tanımayacağıq”,- o deyib.

Алексей Навальный фото ТАСС
Aleksey Navalnıy

Navalny koronavirus pandemiyası səbəbiylə müxalifətin seçki nəticələrini etiraz etməyəcəyini, ancaq payızda hakimiyyət namizədlərinin regional seçkilərdə iştirakına mane olacağı təqdirdə etirazlara gedəcəklərini bildirib.

“Putinin ən çox qorxduğu şey küçədir”,- Navalny deyib: “O … biz küçələrə çıxmağa başlamasaq, vəzifədən ayrılmayacaq”.

Tənqidçilər konstitusiya dəyişikliklərini dövlət çevrilişi kimi xarakterizə ediblər.

Ana səhifəDünyaPutinə 2036-cı ilə qədər hakimiyyətdə qalmaq hüququ verildi