Qaçay Qafarov

Mənbə: Facebook

Başlıq: Qaçay Qafarov

Polisi tənqid edən AXCP üzvü həbs cəzası aldı

Göyçay Rayon Məhkəməsi Qaçay Qafarovla bağlı qərar verib

Azərbaycan Xalq Cəbhəsi Partiyasının (AXCP) daha bir üzvü Qaçay Qafarov həbs olunub. Göyçay Rayon Məhkəməsinin qərarıyla ona 15 sutka inzibati həbs cəzası verilib.

Bu barədə Meydan TV-yə partiyadan verilən məlumatda bildirilir ki, Q.Qafarov AXCP-nin Göyçay rayon şöbəsinin fəalıdır. O, iyulun 5-də yaşadığı kənddə mal-qara otararkən tutulub polis şöbəsinə aparılsa da, onun haqqında polisə müqavimət ittihamı ilə protokol tərtib edilib. Bir gün polis şöbəsində saxlandıqdan sonra iyulun 6-da məhkəmə qarşısına çıxarılıb və 15 günlük həbsi barədə qərar verilib.

AXCP Q.Qafarovun sosial şəbəkələrdə polis haqqında tənqidi paylaşımlara görə cəzalandırıldığını bəyan edib:

“İyulun 2-də Polis Günü ilə əlaqədar “Facebook” hesabında polislər haqqında tənqidi status yazmışdı.

AXCP iyulun 4-də daha bir üzvü Əlixan Rəcəblinin də polis tərəfindən saxlanıldığını bildirib. Məlumata görə, AXCP üzvü günorta saatlarında yaşadığı evdən Masallı Rayon Polis Şöbəsinə aparılıb:

“Oradan Bakıya gətirib, bir gün Baş Mütəşəkkil Cinayətkarlıqla Mübarizə İdarəsində saxladıqdan sonra buraxıblar”.

Partiyadan deyilənlərə Daxili İşlər Nazirliyindən münasibət öyrənmək mümkün olmayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/mowruf

Ən çox baxılan