Nikol Paşinyan

Mənbə: Foto: Armenpress

Başlıq: Nikol Paşinyan

Paşinyan konstitusiya islahatları ilə bağlı təşviqata başlayıb

Baş nazir Konstitusiya Məhkəməsi hakimlərinin vəzifəsindən çıxarılmasını istəyir

Ermənistanın Baş naziri Nikol Paşinyan seçiciləri Konstitusiya Məhkəməsi hakimlərinin əksəriyyətinin vəzifədən alınmasına səbəb olacaq konstitusiyaya təklif olunan dəyişiklikləri dəstəkləməyə çağırıb, - RFE/RL xəbər verir.

Paşinyan martın 10-da təklif olunan islahatlarla bağlı gələn ay keçiriləcək referendum öncəsi təşviqat kampaniyasına start verib.

“Mən sizdən aprelin 5-də seçki məntəqələrinə getməyinizi və keçmişdə Ermənistandakı bütün seçki saxtakarlığına dəstək verən bu köhnə Konstitusiya Məhkəməsini evinə göndərməyi təsdiq etməyinizi xahiş edirəm”,- Paşinyan Meğridə danışarkən deyib.

Təsdiqlənsə, təklif olunan konstitusiya dəyişiklikləri məhkəmənin doqquz üzvündən yeddisinin işdən çıxarılmasına səbəb olacaq.

Yeddi üzv Paşinyanın “Mənim addımım” blokunun çoxluq təşkil etdiyi Milli Məclis tərəfindən təsdiqlənəcək hakimlərlə əvəzlənəcək.

Məhkəmənin yeni vəzifələrinə təyin edilmiş iki hakimi işlərini itirməyəcək.

Meğridəki çıxışında Paşinyan Konstitusiya Məhkəməsinin “xalqı təmsil etmədiyini” və “Ermənistanda mövcud konstitusiyaya uyğun olmayan yeganə qurum” olaraq xarakterizə edib.

Paşinyan yeddi hakimi Ermənistanın keçmiş rəhbərliyi ilə əlaqə saxlamaqda və müstəqil məhkəmə yaratmağa yönəlmiş islahatlara mane olmaqda ittiham edib.

Referendumun konstitusiyaya zidd olduğunu qeyd edən müxalifət partiyaları Baş naziri Konstitusiya Məhkəməsi üzərində nəzarəti əldə etməyə çalışmaqda günahlandırır.

Konstitusiya Məhkəməsinin sədri Hrair Tovmasiyan dekabr ayında Ədliyyə naziri vəzifəsini icra edərkən səlahiyyətlərindən sui-istifadə etməkdə ittiham edilir. O, ittihamları rədd edərək bunu siyasi motivli olduğunu deyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/zzpler

Ən çox baxılan