“Leyli və Məcnun” opera tamaşası

Mənbə: Mədəniyyət Nazirliyi

Başlıq: “Leyli və Məcnun” opera tamaşası

Pandemiya dövründə Azərbaycanda ilk tamaşa

Akademik Opera və Balet Teatrında “Leyli və Məcnun” opera tamaşası təqdim edilib

Pandemiya dövründə Azərbaycanda teatrda ilk tamaşa nümayiş olunub.

Üzeyir Hacıbəyli XIII Beynəlxalq Musiqi Festivalı çərçivəsində Akademik Opera və Balet Teatrında “Leyli və Məcnun” opera tamaşası təqdim edilib.

Məlumatı Mədəniyyət Nazirliyi yayıb.

Operada əsas hissələri Muğam müsabiqəsinin laureatı Rəvanə Əmiraslanlı (Leyli) və Əməkdar artist Elnur Zeynalov (Məcnun) ifa edib.

Tamaşanın digər iştirakçıları Əməkdar artist Təyyar Bayramov (Məcnunun atası), Cahangir Qurbanov (Nofəl), Taleh Yəhyayev (Leylinin atası), Aytən Məhərrəmova (Leylinin anası), Nurlan Namazov (İbn Səlam), Nəzər Bəylərov (Zeyd) olub.

Pandemiya ilə əlaqədar bir ildən çoxdur ki, Azərbaycanda teatrların fəaliyyəti dayanıb.

Bəzi teatrlar virtual tamaşalar nümayiş etdirir.

Sentyabrın 18-dən başlayan Üzeyir Hacıbəyli XIII Beynəlxalq Musiqi Festivalı bu ayın 27-də yekunlaşacaq.

Azərbaycanda ilk operanın əsası (1908-ci ildə) Üzeyir Hacıbəylinin "Leyli və Məcnun" əsəri ilə qoyulub.

Operanın ilk dirijoru Əbdürrəhim bəy Haqverdiyev, rejissoru Hüseyn Ərəblinski olub.

Məcnun rolunda Hüseynqulu Sarabski, Leyli rolunda isə aşpaz şagirdi Əbdürrəhim Fərəcov çıxış edib.

İlk tamaşa 1908-ci il yanvarın 12-də (25-də) Bakıda Hacı Zeynalabdin Tağıyevin tikdirdiyi teatr binasında baş tutub.

Opera Azərbaycan şairi Məhəmməd Füzulinin eyni adlı poeması əsasında yaradılıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/vz65oh

Ən çox baxılan