Oqtay Gülalıyev

Mənbə: Foto: Meydan tv

Başlıq: Oqtay Gülalıyev

Oqtay Gülalıyevin vəziyyətində müsbət dinamika müşahidə olunur

Füruzə Gülalıyeva: “Daha yaxşı nəfəs almağa başlayıb”

Hüquq müdafiəçisi Oqtay Gülalıyevin vəziyyətində müsbət dinamika müşahidə olunur.

Bu açıqlamanı Oqtay Gülalıyevin həyat yoldaşı Füruzə Gülalıyeva verib.

Onun sözlərinə görə, son günlər Oqtay bəy daha yaxşı nəfəs almağa başlayıb, böyrəyindəki kreatin azalır, temperatur normaya düşüb.

“Turan” İnformasiya Agentliyinin bununla bağlı yazısında qeyd olunur ki, hələ də komada olan Oqtay Gülalıyevin müalicəsində müsbət dinamika fəalın bu durumdan çıxacağına ümid yaradır.

Oqtay Gülalıyevi oktyabrın 29-da Bakının mərkəzində maşın vurub. O, kəllə-beyin travması alıb, nəticədə beyninə qan sızıb. Bir neçə saat sonra komaya düşüb. Oktyabrın 30-da Bakıda o, neyrocərrahi əməliyyat edilib.

Noyabrın 5-də Heydər Əliyev Fondunun dəvəti ilə gələn türk mütəxəssislər Gülalıyevi Türkiyəyə aparmağı tövsiyə ediblər. Hazırda Oqtay Gülalıyevin müalicəsi Türkiyənin “Amerika xəstəxanası”nda davam etdirilir.

Müalicə ilə bağlı xərcləri Heydər Əliyev Fondu öz üzərinə götürüb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/wzydpj

Ən çox baxılan