Mənbə: google

“Onu şərləyib həbs etməklə ailəsini də ağır vəziyyətdə qoydular”

“Müsəlman Birliyi” Hərəkatının daha bir fəalı 4 il 6 ay azadlıqdan məhrum edildi

“Müsəlman Birliyi” Hərəkatının fəalı, beyin xərçəngindən əziyyət çəkən Şamil Həsənov haqqında hökm çıxarılıb. Oktyabrın 27-də Binəqədi Rayon Məhkəməsində çıxarılan hökmə əsasən, o, 4 il 6 ay azadlıqdan məhrum edilib.

Ş.Həsənov Cinayət Məcəlləsinin 228.1 (qanunsuz silah saxlama) və 167-3 (dini ekstremist materiallar hazırlama, yayma) maddələrilə təqsirli bilinib.

Ş.Həsənov məhkəmədə ifadəsində ittihamlarla razılaşmayıb, özünü təqsirli bilmədiyini deyib. O bildirib ki, evindən silah və dini-ekstremist materiallar tapılması barədə ittihamda yazılanlar yalandır. Son sözündə də həm özünün səhhətinin, həm də ailəsinin durumunun ağır olduğunu vurğulayaraq, məhkəmədən ədalətli hökm çıxarılmasını istəyib.

“Müsəlman Birliyi” Hərəkatından Meydan TV-yə bildirilib ki, hökmdən apelyasiya şikayəti veriləcək.

Ş.Həsənov iyunun 22-də həbs olunub. Yaxınlarının bildirdiyinə görə, onu həmin gün axşam saat 17 radələrində mülki geyimli şəxslər aparıb. Bundan sonra onun haqqında heç bir məlumat ala bilməyiblər: “Bütün gecəni axtarsaq da, heç bir xəbər ala bilmədik. Ertəsi gün səhər saatlarında evə zəng edib dedi ki, Mütəşəkkil Canayətkarlığa Qarşı Mübarizə İdarəsindədi, gəlib evdə axtarış aparacaqlar. Ona görə kimsə gətirib evin açarını idarəyə versin. Evə nə qədər adam gəlib girmişdi. Evdə də nə silah vardı, nə də başqa bir qanunsuz əşya...”

Ailə üzvləri onu da bildirib ki, Ş.Həsənov beyin xərçəngi ilə əlaqədar başından ağır əməliyyat keçirib, daim dərman qəbul etməklə yaşayır: “Üç azyaşlı övladı var, ailəsində çörək gətirən yoxdur. Onu şərləyinb həbs eləməklə ailəni də çox ağır vəziyyətdə qoyublar”.

Yaxınları onun təqsirsizliyini vurğulayır, Müsəlman Birliyi Hərəkatının üzvü olduğuna görə cəzalandırıldığını düşünür.

Hərəkatın sədri Taleh Bağırzadə də daxil olmaqla, onlarla üzvü hazırda həbsdədir.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/7sgxs0

Ən çox baxılan