Mənbə: Meydan TV

Ölən məhbusun oğlu: Kəskin ürək çatışmazlığı keçirən adamı ayaqüstə hospitala gətiriblər

70 yaşlı professor həbsdə həyatını itirib

Penitensiar Xidmətin Müalicə Müəssisəsində saxlanılan 1949-cu il təvəllüdlü, iqtisadçı-professor Müstəcab Səfərov oktyabrın 23-də vəfat edib.

Bu barədə Meydan TV-yə mərhumun oğlu Aqil Səfərov məlumat verib.

Aqil Səfərov atasının kəskin ürək çatışmazlığından öldüyünü deyir:

“Onu gecəylə Böyük Şor qəsəbəsində yerləşən Müalicə Müəssisəsindən hospitala gətiriblər, kəskin ürək çatışmazlığı keçirən adamı ayaqüstə hospitala gətiriblər. Belə vəziyyətdə adam sağ qala bilər?”

Aqil Səfərov deyib ki, atası bu il, fevralın 22-də Cinayət Məcəlləsinin 178.3.2 (külli miqdarda ziyan vurmaqla törədildikdə) maddəsilə ittiham olunaraq saxlanılıb:

“Atamın 70 yaşı vardı, bu yaşda xəstə adamı dələduzluq ittihamı ilə həbs etdilər, şər-böhtan idi. Guya atam 2011-ci ildə sənədsiz şəkildə bir qadından 250 min dollar pul alıb. Təsəvvür edirsiniz, ötən 8 ildə atam barəsində hüquq-mühafizə orqanlarına müraciət olunmayıb, ancaq gözlənilmədən atamı həbs ediblər. Onun həbsindən sonra Prezident Administrasiyasında Fuad Ələsgərovun qəbulunda oldum, ancaq işdə heç bir dəyişiklik olmadı“.

Penitensiar Xidmətin İctimaiyyətlə Əlaqələr Şöbəsinin rəisi Mehman Sadıqov bildirib ki, onlar yalnız intihar olanda şərh verirlər, öz əcəli ilə ölən məhbus barədə açıqlama vermirlər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/2p9a6i

Ən çox baxılan