Nazirlər Kabineti

Mənbə: Foto: Meydan tv

Başlıq: Nazirlər Kabineti

Nazirlər Kabineti Aparatının yeni strukturu təsdiqlənib

Məqalə yeniləndi:  2 Dekabr 2019

Aparat rəhbərinin müavini və Baş nazirin köməkçisi postu ləğv edilib

Dekabrın 2-də Azərbaycan Nazirlər Kabinetinin Aparatının yeni strukturu təsdiqlənib.

Məlumatı Nazirlər Kabinetinin mətbuat xidmətinin rəhbəri İbrahim Məmmədov yayıb.

O, yeni strukturu aşağıdakı kimi göstərib:

Baş nazirin Katibliyi, Baş nazirin birinci müavininin xidməti, Baş nazirin müavinlərinin xidmətləri, Nazirlər Kabineti Aparatının rəhbərinin xidməti, İqtisadiyyat şöbəsi, Xarici iqtisadi əlaqələr şöbəsi, Beynəlxalq əməkdaşlıq şöbəsi, Hüquq və qanunvericilik şöbəsi, Sosial məsələlər şöbəsi, Humanitar məsələlər şöbəsi, Sənaye və energetika şöbəsi, Aqrar və ekologiya şöbəsi, Regionların inkişafı şöbəsi, Tikinti, şəhərsalma və kommunal təsərrüfat şöbəsi, Nəqliyyat, kommunikasiya və innovasiya şöbəsi, Təhlükəsizlik, müdafiə və səfərbərlik şöbəsi, Ümumi şöbə, Mətbuat xidməti və İşlər İdarəsi.

Məlumata görə, Nazirlər Kabineti Aparatının İşlər müdiri vəzifəsi ləğv edilərək, İşlər İdarəsi yaradılıb. Aparatın İşlər müdiri Hikmət Xəlilov idi.

Eyni zamanda, Nazirlər Kabineti Aparatının rəhbərinin müavini və Baş nazirin köməkçisi postu ləğv edilib.

Nazirlər Kabineti Aparatının rəhbərinin müavini Natiq Məmmədov, Baş nazirinin köməkçiləri Ələsgər Ələsgərov və Sabir Bayramov olub.

Prezident İlham Əliyev oktyabrın 8-də imzaladığı sərəncamla Əli Əsədov Baş nazir təyin edilib.

Ona qədər Baş nazir vəzifəsini Novruz Məmmədov icra edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  2 Dekabr 2019
Bölmələr:  
qısa linklər:   http://mtv.re/qac0sj

Ən çox baxılan