Mənbə: google

Navalnı: Putinə geri dönməmək hədiyyəsini vermərəm

Müxalifətçi zəhərlənməsinin arxasında Putinin durduğunu deyib

Kremlin tənqidçisi Aleksey Navalnı Almaniya jurnalına verdiyi açıqlamada zəhərlənməsinin arxasında Rusiya Prezidenti Vladimir Putinin dayandığını deyib.

“Reuters” xəbər verir ki, o, Putindən qorxmadığını və tezliklə kampaniyasını davam etdirmək üçün Rusiyaya dönəcəyini qeyd edib.

Avqust ayında Rusiyadaxili təyyarədə halı pisləşən Navalnı Rusiyadan Berlinə gətirilib. Almaniya sentyabr ayında siyasətçinin “Noviçok” sinir maddəsi ilə zəhərləndiyini açıqlayıb.

“İnanıram ki, cinayətin arxasında Putin var və baş verənlərin başqa versiyası yoxdur”,- Navalnı “Der Spiegel”-ə verdiyi açıqlamada deyib.

Qərb Kremldən hadisə ilə bağlı izahat tələb edir.

“Heç bir ağrı hiss etmirsiniz, ancaq öldüyünüzü bilirsiniz”,- Navalnı ölümcül sinir maddəsinin ona təsir etməyə başladığı andan bəhs edərkən deyib.

“Charite” xəstəxanasında müalicəsini davam etdirən müxalif siyasətçi səhhətinin davamlı müalicə sayəsində tədricən düzəldiyini qeyd edib.

Jurnalın ofisinə gələrkən Navalnını mühafizəçilər müşayiət edib və soyuducudan hansı şüşə suyu içməli olduğuna dair onların seçim etməli olduqlarını israr ediblər. Siyasətçinin müttəfiqləri “Noviçok”un izlərinin uçuş başlamazdan əvvəl otel otağında Navalnının içdiyi bir şüşə su üzərində tapıldığını qeyd ediblər.

Navalnı “Der Spiegel”-ə Rusiyaya dönəcəyini deyib: “İndi vəzifəm qorxmaz qalmaqdır. Və qorxum yoxdur! Əllərim titrəyirsə, bu, qorxudan deyil, zəhərdəndir. Putinə geri dönməmək hədiyyəsini vermərəm”.

Hal-hazırda həyat yoldaşı ilə Berlində kirayədə yaşayan siyasətçi onlayn həyatına yalnız Rusiyaya qayıtdıqdan sonra dönəcəyini deyib.

“Sürgündəki müxalifət lideri olmaq istəmirəm”,- o vurğulayıb.

Kansler Angela Merkel tərəfindən xəstəxana yatağında ziyarət edilən siyasətçi Almaniyaya xüsusi bir bağ hiss etdiyini və Merkelin Rusiyanı dərindən bilməsindən təsirləndiyini deyib.

“Mənim təəssüratım belədir ki, Merkelin məndən məsləhət almasına ehtiyac yoxdur”, -o deyib.

“Ancaq Rusiya həyata keçirdiyi strategiyalarla Putinin çatdığı dəlilik dərəcəsini nəzərə almalıdır”,-deyən Navalnı, “Putinin Berlin ilə qarşıdurmaya risk etməyəcəyi” zamanların keçmişdə qaldığını vurğulayıb.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/0wfgta

Ən çox baxılan