Natiq Cəfərli: Məmurlar büdcədən, CEO-lar da onlardan oğurlayır

“Çünki heç bir məmur şirkəti biznes məntiqi ilə idarə edə bilməz”

Source: Specify Source


"Ölkə necə idarə olunursa, məmur biznesi də o məntiqlə idarə edilir"

Son 5 ildə Azərbaycanda yaradılmış və qısa zamanda paytaxtın hər yerində, bölgələrdə filialları açılmış "Bravo" mağazalarının zərərlə işlədiyi bildirilir.

Bu barədə "Marja" saytı məlumat

yayıb

.

Həmin məlumatda bildirilir ki, “Azərbaycan Supermarket” MMC son 3 ildə zərərlə işləyib. 2018-2020-ci illərdə şirkət 132 milyon 351 min manat zərər edib.

2018-ci ildə şirkətin xalis zərəri 43 milyon 646 min, 2019-cu ildə 41 milyon 776 min, 2020-ci ildə 46 milyon 929 min manat təşkil edib.

Gəlirlərə gəlincə, 2018-2020-ci illərdə “Azərbaycan Supermarket” şirkətinin cəmi gəlirləri 1 milyard 146 miylon 945 min manat olub.

İqtisadçı Natiq Cəfərli deyir ki, şirkət gəlir əldə etmiş ola bilər. Əgər o gəlirdən xərclər çıxanda yerdə xalis mənfəət qalmırsa, bu, ziyanla işlədiyi anlamına gəlir: “Xalis mənfəət gələn gəlirdən bütün xərclər çıxandan sonra yerdə qalan vəsaitə deyilir. Görünür, şirkətin gəliri olub, ancaq mənfəəti olmayıb”.

Natiq Cəfərli
Natiq Cəfərli

İqtisadçı bildirib ki, ölkə necə idarə olunursa, məmur biznesi də o məntiqlə idarə edilir: “Məmurlar büdcədən necə oğurlayırlarsa, onların biznesində olan gənc, "canavar" kimi CEO-ları da onlardan oğurlayır, ziyan da belə yaranır. Çünki heç bir məmur şirkəti biznes məntiqi ilə idarə edə bilməz. Bilirsiniz niyə? İstənilən yüksək çinli məmur 1 saniyəyə çəkdiyi imza ilə biznesdə 1 ildə qazana biləcəyindən çox pul qazanır. Belə pul qazanmaq imkanları ilə məmur uğurlu biznesmen ola bilməz. Bu, mümkün deyil”.

"Bravo" Marketlər şəbəkəsindən Meydan TV-nin suallarını cavablandırmaq istəməyiblər. Ancaq şirkətin zərərlə işlədiyi də inkar edilməyib.

"Azərbaycan Supermarket" MMC 2015-ci il fevralın 27-də yaradılıb.

Nizamnamə kapitalı 2 min manat olan şirkətin qanuni təmsilçisi Kevin Paul Landıdır.

Azadlıq Radiosunun 2016-cı ildə yayımladığı bir araşdırmasında

bildirilir

ki, "Azərbaycan Supermarket" MMC “Paşa Holdinq” MMC-yə daxil olan çoxsaylı şirkətlərdən biridir.

Ana səhifəİqtisadiyyatNatiq Cəfərli: Məmurlar büdcədən, CEO-lar da onlardan oğurlayır