Mənbə: google

Natiq Cəfərli: Bizdə alternativ statistika yoxdur, beynəlxalq hesabatlar hökumətin verdiyi rəqəmlərə əsaslanır

Məqalə yeniləndi:  17 Sentyabr 2020

Samir Əliyev: ""Doing Business" Azərbaycan hökumətinin ən çox istinad etdiyi hesabatdır"

2020-ci ildə Azərbaycan iqtisadiyyatının 4.3 faiz kiçiləcəyini proqnozlaşdırılır.

Asiya İnkişaf Bankının (AİB) açıqladığı "Asian Development Outlook 2020" (ADO) hesabatında belə deyilir.

Hesabatda bildirilir ki, 2020-ci ilin sonunacan pandemiya davam edəcək və bu müddət ərzində neft hasilatı və gəlirlər azalacaq. İstehlakın da kəskin azalacağı gözlənilir. Hətta Maliyyə Nazirliyinin açıqladığı 2021-ci il üçün "Dövlət büdcəsinin ilkin parametrləri" sənədində deyilirdi ki, gələn ilin büdcəsi 1,6 milyard manat azala bilər.

Dövlət Gömrük Komitəsinin də bu yaxınlarda açıqladığı məlumatda deyilirdi ki, bu ilin 8 ayında ölkə iqtisadiyyatı 3 faiz kiçilib.

AİB-in proqnozlarında isə bildirilir ki, 2020-ci ilin yekunları üzrə Azərbaycanın tədiyyə balansının kəsiri ÜDM-in 5.1 faizini təşkil edəcək.

Bundan əlavə, bu il ölkə 2015-16-cı illərdən sonra ilk dəfə cari əməliyyatlar hesabının kəsirinə qayıdacaq.

ÜDM-in kiçilməsi tempinə görə, AİB-in gözləntiləri Azərbaycan hökumətinin proqnozuna yaxındır.

Natiq Cəfərli

Natiq Cəfərli

Mənbə: Meydan Tv

İqtisadçı Natiq Cəfərli Meydan.Tv-yə deyir ki, beynəlxalq hesabatlar əsasən hökumətin verdiyi rəqəmlərə əsaslanır və həqiqəti əks etdirmir: "Çünki bizdə alternativ statistika yoxdur. Ona görə də yalnız hökumətin verdiyi rəqəmlərə əsaslanırlar. Gürcüstanda isə alternativ statistika var və ona görə də obyektiv qiymətləndirmə mümkündür".

Belə sənədlərdən biri də Dünya Bankının "Doing Business 2021" hesabatıdır.

Bank bu yaxınlarda açıqlama verib ki, "Doing Business" 2018 və 2020-ci il hesabatlarında Azərbaycan, Çin, Səudiyyə Ərəbistanı və Birləşmiş Ərəb Əmirliklərindən alınan məlumatlarda uyğunsuzluq olub.

Samir Əliyev

Samir Əliyev

Mənbə: Meydan Tv

İqtisadçı Samir Əliyev isə deyir ki, "Doing Business" Azərbaycan hökumətinin ən çox istinad etdiyi hesabatdır.

Son dövrlər hesabatda Azərbaycanın mövqeyində yaxşılaşma müşahidə edilirdi: “Ancaq hesabat həmişə kəskin müzakirə mövzusu olub və nəticələrin reallıqda uzaq olması barədə daim fikirlər səslənib”.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  17 Sentyabr 2020
Bölmələr:  
qısa linklər:   http://mtv.re/g059aw

Ən çox baxılan