Şəfəq Ağacan

Mənbə: google.az

Başlıq: Şəfəq Ağacan

Narkotik satmaqda şübhəli bilinən Baş redaktor saxlanılıb

Polis saxlanılan qadının marixuana satmağa cəhd göstərdiyini bildirib

Bakı şəhər Baş Polis idarəsinin əməkdaşları mayın 1-də “Bakupress” milli informasiya agentliyinin rəhbəri Şəfəq Ağacanı saxlayıblar.

“Ona” saytının məlumatına görə, Şəfəq Ağacan narkotik vasitələrin qanunsuz dövriyyəsi ilə məşğul olmaqda ittiham edilir.

“Paytaxtın Nərimanov rayonu ərazisində yerləşən 5 saylı şəhər Klinik Xəstəxanasının qarşısında narkotik vasitələrin qanunsuz dövriyyəsi ilə məşğul olan şəxslərə qarşı əməliyyat keçirib. Əməliyyat zamanı bir qadın 62 bükümdə ümumi çəkisi 311 qramdan artıq olan qurudulmuş marixuananı 100 ABŞ dolları və 1830 manata satarkən saxlanılıb. Araşdırmalar zamanı saxlanılan qadının (Şəfəq Ağacan qızı Ağabalayeva) olması müəyyən edilib”, - məlumatda deyilir.

Bundan əvvəl Səfəq Ağacan rəhbərlik etdiyi sayt vasitəsilə narkotik və psixotrop tərkibli dərmanların apteklərdə satışına qarşı mübarizə apardığını bildirirdi.

2017-ci il noyabrın 14-də o saytın “Youtube” kanalı vasitəsilə müraciət yayaraq bununla bağlı tədbir keçirdiyini, aidiyyatı dövlət orqanlarını və mətbuatı ora dəvət etdiyini, lakin heç kimin bu tədbirə gəlmədiyini bəyan edib.

Şəfəq Ağacan müraciətində deyib ki, rəhbərlik etdiyi agentliyin əməkdaşları apteklərdə bununla bağlı reydlər aparırlar və qaldırdıqları suallar aidiyyatı olan orqanlar tərəfindən cavabsız qalıb.

2016-cı ildə isə Şəfəq Ağacan mətbuatda intihara cəhd edən jurnalist kimi tanınıb.

Belə ki, o, Nicat adlı şəxs tərəfindən şantaj edildiyi üçün çoxlu sayda dərman preparatı qəbul etdiyini bildirib. Məlumata görə, onu dərhal xəstəxanaya yerləşdiriblər və həkimlər onun həyatını xilas ediblər.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/z5agv6

Ən çox baxılan