Müsavat Partiyası

Mənbə: Foto: Meydan tv

Başlıq: Müsavat Partiyası

Müsavat Partiyasının 30-dan çox üzvünün polisə çağırıldığı bildirilir

Məqalə yeniləndi:  8 Noyabr 2019

Arif Hacılı: “Partiya üzvlərinə aksiyada iştirak etməmək təklif edilir”

“Son iki gündə Müsavat Partiyasının 30-dan çox üzvü polis idarələrinə çağırılıb. Səbəb, partiyanın noyabrın 12-də Bakı Şəhər İcra Hakimiyyətinin qarşısında təyin etdiyi piketdir”.

Bunu Meydan TV-yə partiyanın başqanı Arif Hacılı deyib.

Arif Hacılı bildirib ki, təzyiqlər davam edir:

“Polisə çağırılanlar partiyanın aparat rəhbəri, mənim müavinlərim, müşavirlərim, məclis üzvləri, rayon təşkilatlarının sədrləridir. Onlara 10 və 12 noyabr aksiyaları ilə bağlı təzyiqlər göstərilir və tədbirlərdə iştirak etməmək təklif olunur. Eyni zamanda, müsavatçılar barədə məlumatların toplanması davam edir. Noyabrın 9-da da bir sıra müsavatçıları yaşadıqları ərazilərin polis idarələrinə çağırıblar”.

Arif Hacılı hətta vaxtilə partiyanın üzvü olan insanların da polisə çağırıldığını təsdiqləyib.

Partiya başqanı deyib ki, təzyiqlərə baxmayaraq onlar noyabrın 12-də Konstitusiyaya və “Sərbəst toplaşmaq azadlığı” haqqında qanuna uyğun olaraq Bakı Şəhər İcra Hakimiyyəti qarşısında piket keçirəcəklər.

Müsavat Partiyası noyabrın 10-da mitinq keçirmək üçün Bakı Şəhər İcra Hakimiyyətinə müraciət edib. İcra hakimiyyəti Lökbatan qəsəbəsində tədbirin keçirilməsinə icazə verib. Buna etiraz əlaməti olaraq partiya noyabrın 12-də Bakı Şəhər İcra Hakimiyyəti qarşısında piket keçirmək qərarına gəlib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  8 Noyabr 2019
Bölmələr:  
qısa linklər:   http://mtv.re/lseqer

Ən çox baxılan