Rafiq Quliyevin çoxmərtəbəli avtomobil dayanacağından yıxıldığı bildirilir
Türkiyədə komando kursunda iştirak edən Azərbaycan ordusunun zabiti Rafiq Quliyev oktyabrın 9-da bədbəxt hadisə nəticəsində vəfat edib.
Bu barədə “Report” Azərbaycan Müdafiə Nazirliyinə istinadən məlumat yayıb.
Bildirilib ki, kapitan Rafiq Quliyev təlim-məşqlər bitdikdən sonra şəhərdə olarkən ehtiyatsızlıq nəticəsində çoxmərtəbəli avtomobil dayanacağından yıxılıb.
“Rafiq Quliyev dərhal xəstəxanaya təxliyə edilib, lakin həkimlərin səylərinə baxmayaraq onun həyatını xilas etmək mümkün olmayıb”, – deyə açıqlamada bildirilir.
