Bolqarıstan Xarici İşlər Nazirliyi

Mənbə: Lenta.ru

Başlıq: Bolqarıstan Xarici İşlər Nazirliyi

Moskva: Bolqarıstan diplomatları “persona non qrata” elan etdiyi üçün cavab verməli olacaq

Rusiya Sofiyanın bu addımını “əsassız” adlandırıb

Moskva sentyabrın 24-də Bolqarıstanın iki rus diplomatını “persona non qrata” elan etməsindən təəssüfləndiyini bildirib və qarşılıq veriləcəyini vəd edib, - “Reuters” Xarici İşlər Nazirliyinin bəyanatına istinadən xəbər verir.

Bolqarıstan çərşənbə günü casusluqda şübhəli bilinən iki rus diplomatını qovduqlarını və onlara Balkan ölkəsini tərk etmələri üçün 72 saat vaxt verdiklərini deyib.

Rusiya Sofiyanın bu addımını “əsassız” adlandırıb.

Avropa İttifaqı və NATO üzvü olan Bolqarıstan Rusiya ilə yaxşı əlaqələrə sahib ölkə kimi tanınır. Sofiya həmçinin Rusiyanın dekabr ayında gələcək müdafiə ataşesinə viza verməkdən imtina edib.

Rusiya səfirliyi diplomatların müəyyən edilmiş müddətdə Bolqarıstandan ayrılacağını, ancaq Rusiyanın eyni şəkildə cavab vermək hüququndan istifadə edəcəyini bildirib.

Çərşənbə günü bolqar prokurorluğu bildirib ki, iki diplomat 2016-cı ildən bəri ordunun modernləşdirilməsi planları və hərbi texnikanın saxlanılması barədə gizli məlumat axtarmaqla məşğul olub. Onlar bu məlumatları Rusiya hərbi kəşfiyyatına ötürüblər.

Açıqlamada diplomatların ölkənin hərbi-sənaye kompleksi ilə əlaqəli məlumatlar əldə etmək üçün bolqarlarla əlaqə qurduqları və məlumatlar qarşılığında onlara maddi vəsait vəd etdikləri bildirilir.

Bolqarıstan Sovet dövründə Moskvanın Şərqi Avropadakı ən önəmli peyki olub. O vaxtdan bəri münasibətlər vaxtaşırı gərginləşsə də, Rusiya Bolqarıstanın ən böyük enerji tədarükçüsü olaraq qalır.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/q5r8ij

Ən çox baxılan