Mixail Saakaşvili

Mənbə: hromadske

Başlıq: Mixail Saakaşvili

Saakaşvili Gürcüstana qayıdacağını, Baş nazir həbs ediləcəyini deyir

Məqalə yeniləndi:  29 Sentyabr 2021

İrakli Qaribaşvili: “Onu qarşılamaq və həbsxanada rahatlığını təmin etmək üçün qalstuk dəstimiz var”

Məqalə "JAMnews" saytında dərc olunub.

Gürcüstanın eks-prezident Mixail Saakaşvili oktyabrın 2-də axşam saatlarında ölkəyə qayıdacağını deyib.

Bu barədə Saakaşvili "Facebook"da videomüraciət yayıb.

O, şərh bölümündə Kiyev-Tbilisi reysinə aldığı biletin surətini paylaşıb.

Saakaşvili bildirib ki, anası Qiuli Alasaniya ilə birlikdə oktyabrın 2-də saat 23:05-də Tbilisidə olacaq.

Onun sözlərinə görə, oktyabrın 2-də yerli özünüidarə orqanlarına keçiriləcək seçkilər ölkənin taleyini həll edəcək və o, bu prosesdən kənarda qala bilməz: “Biz hamımız seçkiyə getməliyik və səs verməliyik, öz mövqeyimizi qeyd etməliyik. Məntəqələr bağlanan kimi biz şəhərlərimizin və kəndlərimizin mərkəzlərinə çıxmalıyıq və birlikdə qələbəmizin arxasında durmalıyıq. Gürcüstanın taleyi, bizim sağ qalmağımızın taleyi həll olunur, mən bunlardan kənarda qala bilmərəm”.

Gürcüstan hakimiyyəti Mixail Saakaşvili barədəsində axtarış elan edib.

O, Gürcüstanda Sandro Qirqvlianinin qətli ilə bağlı cinayət işində dəlillərin gizlədilməsi və deputat Valeri Qelaşvilinin döyülməsinin təşkili ittihamı ilə qiyabi məhkum edilib.

Gürcüstan qanunvericiliyi məhkumlara və mühakimə olunmuşlara dövlət xidmətində çalışmağı qadağan edir.

Xəbərdə bildirilir ki, Saakaşvilinin aeroportdaca həbs olunma ehtimalı yüksəkdir.

Avqustun 8-də Gürcüstanın hazırkı Baş naziri İrakli Qaribaşvili Ukrayna prezidenti Vladimir Zelenski ilə görüşüb.

Görüşdən bir gün öncə Qaribaşvili Gürcüstanın üçüncü prezidenti Mixail Saakaşvili haqda belə deyib: “Onu qarşılamaq və həbsxanada onun rahatlığını təmin etmək üçün böyük qalstuk dəstimiz var”.

Mixail Saakaşvili hazırda Ukrayna vətəndaşıdır.

O, Ukrayna prezidenti Vladimir Zelenski tərəfindən 2020-ci ilin mayında Milli İslahatlar Şurasının icra komitəsinin sədri təyin edilib.

Saakaşvili ötən il avqustun 27-də də Gürcüstana qayıdacağı ilə bağlı açıqlama vermişdi.

Gürcüstanda yerli özünüidarə orqanlarına seçkilər bu il oktyabrın 2-ə təyin olunub.

Müxalifət ümid edir ki, bu seçkilərdə qələbə qazansa, növbədənkənar parlament seçkilərinin keçirilməsinə də nail olacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  29 Sentyabr 2021
Bölmələr:  
qısa linklər:   http://mtv.re/q3zt40

Ən çox baxılan