Mitinq təşkilatçıları polisə çağırılıblar

Müəlliflər: Meydan TV

Tarix: 17 Oktyabr 2019

Tofiq Yaqublu: “Bizə xəbərdarlıq edildi”

Demokratik Qüvvələrin Milli Şurasının (DQMŞ) oktyabrın 19-da nəzərdə tutulmuş mitinqin keçirilməsi üzrə komitənin üzvləri oktyabrın 17-də Bakı Şəhər Baş Polis İdarəsinə çağırılıblar.

Polisə Tofiq Yaqublu, İbrahim İbrahimli, Eldəniz Quliyev və Vahid Məhərrəmli dəvət ediliblər.

Bunu Meydan TV-yə Tofiq Yaqublu deyib.

Onları Bakı Şəhər Baş Polis İdarəsinin İctimai Təhlükəsizlik İdarəsinin rəisi Nurulla Məmmədxanlı və Respublika Prokurorluğunun rəsmisi qəbul edib.

Tofiq Yaqublu deyib ki, onlara xəbərdarlıq edilib:

“Dedilər ki, razılaşdırılmamış aksiyanın qarşısı alınacaq, təşkilatçılar isə məsuliyyətə cəlb olunacaqlar. Biz öz növbəmizdə cavab verdik ki, toplaşma azadlığı Konstitusiyada təsbit edilib. Biz öz hüququmuzu gerçəkləşdirəcəyik”.

Bakı Şəhər İcra Hakimiyyəti oktyabrın 16-da DQMŞ-yə mitinqin Lökbatan qəsəbəsində keçirilməsinə razılıq verib. Ancaq Milli Şura aksiyanın metronun “28 may” stansiyasının qarşısında keçirmək niyyətində israrlıdır.

AXCP-dən verilən məlumata görə, mitinqin Təşkilat Komitəsinin üzvü İlham Hüseyn iki ay müddətinə inzibati həbs edilib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN

Müəlliflər: Meydan TV

Tarix: 17 Oktyabr 2019

Bölmələr: