Filmdən kadr

Mənbə: Foto: lenta.ru

Başlıq: Filmdən kadr

“Mission Impossible 7” filminin çəkilişləri koronovirisa görə dayandırıldı

Məqalə yeniləndi:  1 Mart 2020

Çəkilişlərin təxirə salınmasının premyera tarixinə təsir edəcəyi ilə bağlı heç bir məlumat bildirilməyib

“Mission Impossible 7” filminin İtaliyada nəzərdə tutulan çəkilişləri ölkədə koronavirusun yayılması ilə əlaqədar dayandırılıb.

Tom Kruzun baş rolda oynadığı filmin premyerası bu il iyulun 23-də baş tutmalı idi.

Aktyorların və çəkiliş qrupunun təhlükəsizliyi ilə əlaqədar dayandırılan çəkilişlər üç həftə ərzində Venesiyada davam etdirilməli idi.

Çəkilişlərin təxirə salınmasının premyera tarixinə təsir edəcəyi ilə bağlı heç bir məlumat bildirilməyib.

Fevralın əvvəlində koronovirusun Çin kino sənayesinə ağır zərbə vurması xəbəri dünya mətbuatında yer almışdı. Çin İctimai Radio və Televiziya Təşkilatları Federasiyasının Kinematoqrafiya Komitəsi koronavirusun yayılması səbəbiylə ölkədə bütün filmlərin və serialların çəkilişinə qadağa qoyub.

İtaliyanın 12 şəhərində koronovirusla əlaqədar olaraq karantin elan edilib.

Milan şəhərinin yerləşdiyi Lombardiya və Venesiya şəhərinin yerləşdiyi Veneto vilayətlərində təcili təhlükəsizlik tədbirləri keçirilib.

Son məlumatlara görə, İtaliyada virusa yoluxanların sayı 200 nəfəri keçib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  1 Mart 2020
Bölmələr:  
qısa linklər:   http://mtv.re/p3s48p

Ən çox baxılan