Mənbə: Reuters

Merkel sərt karantin qərarına görə üzr istəyib

“Bu, yalnız mənim günahımdır”

Almaniyanın kansleri Angela Merkel Pasxa bayramı ərəfəsində 5 günlük ictimai həyatın dayandırılmasını nəzərdə tutan sərt bağlanma əmrini geri götürərək vətəndaşlardan üzr istəyib.

Merkel canlı yayımda deyib ki, Pasxa tətilində ictimai həyatı dayandıran sərt qadağalarla bağlı iki gün əvvəl verilmiş qərar səhvdir.

Martın 22-də keçirilən iclasda qəbul edilən qərarı sərt tənqid etdikdən sonra əyalət baş nazirlərini bu gün növbədənkənar toplantıya çağıran Merkel, Pasxada beş günə bağlanma fikrinin səhv olduğunu söyləyib.

Qərarın vicdanla alındığını, amma tətbiqindən qısa müddət ərzində aydınlaşdırıla bilməyən sualların olduğunu ifadə edən Merkel deyib: "Bu, bir səhv idi. Bir səhv varsa, deyilməli və düzəldilməlidir. Bütün vətəndaşlardan bu səhv və əlavə qeyri-müəyyənliklər üçün bağışlanmamı diləyirəm”.

Merkel, "Bu, yalnız mənim günahımdır" deyib və vəzifəsinə görə bütün məsələlərdə son məsuliyyəti daşıdığına diqqət çəkib.

4 aprel tarixində Almaniyada Pasxa qeyd olunacaq.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Bölmələr:  
qısa linklər:   http://mtv.re/20a8n8

Ən çox baxılan