Aleksander Lukaşenko

Mənbə: arxiv

Başlıq: Aleksander Lukaşenko

Lukaşenkoya etiraz: 80 faiz çoxluq əldə etmisənsə, niyə bizdən qorxursan?

Məqalə yeniləndi:  24 Sentyabr 2020

Belaruslar inaqurasiyaya etiraz edir

Belarus təhlükəsizlik qüvvələri çərşənbə günü veteran Prezident Aleksander Lukaşenkonun andiçmə mərasiminə etiraz olaraq küçələrə çıxan minlərlə nümayişçini dağıtmaq üçün su şırnaqlarından istifadə edib,

“Reuters” xəbər verir ki, həbs edilənlər var.

26 illik hakimiyyəti yenidən ələ keçirməsinə son qoyma çağırışlarına məhəl qoymayan Lukaşenko seçkilərdən sonra altıncı dəfə and içib.

Mərasim xalqa xəbər edilmədən keçirilib.

Altı həftə davam edən etirazlarla Lukaşenkonun istefasını tələb edən müxalifət andiçmə mərasimini qanunsuz adlandırıb və qınayıb.

“Onun gizli inauqurasiyası hakimiyyəti ələ keçirmək cəhdidir”,- seçkilərdən sonra sürgünə qaçan Lukaşenkonun əsas rəqibi Svetlana Tixanovskaya deyib.

ABŞ və Avropa Birliyi seçkilərdə və etirazçılara edilmiş təzyiqlərdə rolu olan məmurlara qarşı sanksiyalar hazırlayır.

“Lukaşenko sağ əlini konstitusiyanın bir nüsxəsinə qoyaraq bir neçə yüz nəfərin qatıldığı mərasimdə and içib”, - “Reuters” bildirib.

66 yaşlı siyasətçi COVID-19 pandemiyasına açıq istinad edərək deyib ki, ölkənin “qlobal böhran astanasında” təhlükəsizlik və konsensusa ehtiyacı var.

“Mən edə bilmərəm, mənim belarusları tərk etmək hüququm yoxdur”,- o deyib.

Minlərlə etirazçı qırmızı-ağ müxalifət bayraqları və plakatlar ilə küçələrdəykən maşınlar həmrəylik əlaməti olaraq siqnallarla onlara qoşulublar.

Bir plakatda “80 faiz çoxluq əldə etmisənsə, niyə bizdən qorxursan?” yazıldığı qeyd edilir. Lukaşenko son seçkilərini 80 faiz səsçoxluğu ilə qazanıb, - ölkənin Mərkəzi Seçki komissiyası bəyan edib.

Etirazlar zamanı bəzi küçələrə giriş bağlanıb. Təhlükəsizlik qüvvələri ilə qarşıdurma baş verib.

Yerli media görüntülərində dəbilqəli çevik polislərin etirazçıları yerə yıxdıqları və həbs etdikləri görünür.

Bəzi etirazçıların “Saşa, çölə çıx, səni təbrik edəcəyik!” şüarları səsləndirdiyi qeyd edilir.

Rusiyanın “İnterfaks” xəbər agentliyi etirazlarda yaralananların olduğunu bildirib.

“Ona yaxın şəxs nəzarətə alınıb”, - “Belta” xəbər agentliyi xəbər verib. İnsan haqları qrupu “Spring 96” isə nəzarətə alınanların sayının 116 olduğunu bəyan edib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  24 Sentyabr 2020
Bölmələr:  
qısa linklər:   http://mtv.re/tsvk1r

Ən çox baxılan