Lerik rayonu, Şivlə kəndi

Mənbə: Meydan TV

Başlıq: Lerik rayonu, Şivlə kəndi

Lerik Rayon İcra Hakimiyyəti: Vətəndaşların yaşayış evləri zərər çəkib

Məqalə yeniləndi:  11 Oktyabr 2021

"Torpaq sürüşmələri ilə bağlı müvafiq qurumlar məlumatlandırılıb"

Lerik Rayon İcra Hakimiyyəti rayonun Şivlə kəndində baş verən torpaq sürüşməsi ilə bağlı xəbərə münasibət bildirib.

İcra Hakimiyyətinin rəsmi açıqlamasında qeyd olunur ki, fasiləsiz yağış nəticəsində rayonun bir çox ərazilərində fəsadlar yaranıb: "Sentyabr 2021-ci ilin son on günlüyündən başlayaraq bu günə kimi fasiləsiz olaraq yağan yağış nəticəsində rayonun bir sıra ərazilərində ciddi problemlər yaranıb. Belə ki, yaşayış məntəqələrində torpaq sürüşmələrinin intensivliyi artmış, avtomobil yollarında maşınların hərəkətində çətinliklər yaranmış, vətəndaşların yaşayış evləri zərər çəkib. Rayon icra hakimiyyətinin səlahiyyətləri daxilində yaranan problemlərin aradan qaldırılması ilə bağlı müvafiq işlər həyata keçirilib, digər məsələlərin həll edilməsi üçün əlaqədar qurumlar qarşısında məsələ qaldırılıb".

Şivlə kənd sakinlərinin yol və körpü ilə bağlı şikayətinə gəlincə, İcra Hakimiyyəti bildirib ki, bu barədə Avtomobil Yolları Dövlət Agentliyinə müraciət edilib: "Şivlə kəndi Noda-Şingədulan-Xanagah avtomobil yolunun üzərində yerləşir. Asfalt örtüklü yolun 26-cı km-dən Şivlə kəndinə 4 km məsafə var. Yol çaydan keçir. Çayın üzərində körpü yoxdur. Körpünün tikintisi ilə bağlı Azərbaycan Avtomobil Yolları Dövlət Agentliyinə müraciət edilib".

Bildirilir ki, kənddə baş verən torpaq sürüşmələri ilə bağlı Ekologiya və Təbii Sərvətlər Nazirliyinin əməkdaşları dəfələrlə ərazidə olub, sürüşmə ocaqları nəzarətə götürülüb: "Əsasən vətəndaşlara məxsus pay torpaq sahələrində baş verən sürüşmələrin mütəmadi olaraq mütəxəssislər tərəfindən monitorinqi həyata keçirilir. Son günlər baş verən torpaq sürüşmələri ilə bağlı rayon icra hakimiyyəti tərəfindən Ekologiya və Təbii Sərvətlər Nazirliyi məlumatlandırılıb".

Oktyabrın 7-də Lerik rayonunun Şivlə kəndində torpaq sürüşməsi baş verib.

Bu barədə Meydan TV-yə kənd sakini Surət Əliyev məlumat verib.

O bildirib ki, sürüşmə nəticəsində fərdi təsərrüfatına ziyan dəyib.

Kənd sakini həmçinin bildirib ki, kəndin yaxınlığından keçən çayda daşqın olub, qonşu kəndlər və rayonla əlaqə kəsilib.

O, çayda indiyədək körpünün olmadığını və dəfələrlə bununla bağlı müraciət edildiyini deyib.

Buradaykən …

Sizdən kiçik bir xahişimiz var: Fəaliyyət göstərdiyimiz mühitdə məlumatlar dövlətin çox sıx nəzarəti altındadır. Meydan TV insanların keyfiyyətli və müstəqil informasiya ilə təmin etmək üçün çalışır. Biz sizin eşidə bilmədiyiniz, amma eşitmək istədiyinizə inandığımız hekayələri işıqlandırırıq. Dövlət senzurasının – rəsmi bloklanmanın və təzyiqlərin gücləndirilməsinə baxmayaraq, biz, müstəqil jurnalist komandası ağır şərtlər altında Azərbaycan xalqının dolğun, keyfiyyətli informasiya ilə təmin edilməsinə çalışırıq və bunun üçün sizin köməyiniz lazımdır.

Sizin dəstəyiniz bizim böyük risk altında işləyən jurnalistlərimizə güc verir. Azərbaycanda müstəqil jurnalistikanın qorunması üçün edilmiş hər bir cəhd sizin töhfənizdir. Çox sağ olun.

BIZƏ DƏSTƏK OLUN
Məqalə yeniləndi:  11 Oktyabr 2021
Bölmələr:  
qısa linklər:   http://mtv.re/1rlz53

Ən çox baxılan